E deo ki fia già pensende ca aia esageradu, nende ca is partidos e partideddos “sardos” sunt ke sa Lega.
Non sunt sceti is dirigentens de custos partidos ki sunt formados dae sa scola e (pagos, pagos meda) dae s’univerisdade italiana.
Totu is Sardos bi sunt passados e bi passant.
Ma ita catzu de avanguardia sunt, tando, custos dirigentes ki non sunt bonos a castiare prus atesu de unu sardu bastit-ki-siat?
Piga, tanti pro ndi narrer unu, is de ProgReS.
Partint dae su fatu ki medas-tropu!-Sardos sunt colonizados linguisticamente e faeddant sceti italianu-pro-manera-de-narrer e nde bogant ca s’italianu est presente in Sardinnia e, tando, sighende sa logica de Tzia Pepina, est una de is limbas natzionales de is Sardos.
Cun sa propriu logica, castiende ca sceti su 3% de is Sardos votat a issos e sa parte prus manna votat is partidos italianos, s’iant a deper retirare deretos dae sa politica.
Ma is áteros non sunt megius, ca, biende ca in Sardinnia non esitit unu movimentu populare pro sa limba, non ponent sa kistione linguistica in su tzentru de su programma politicu issoro.
Custos dirigentes non sunt avanguardiias, ca non sunt bonos a ghiare is áteros.
Sunt populistas, ke sa Lega,
Sunt bonos sceti a sighire sa majoría colonizada de is Sardos e a narrer: “Vota a mie, ca deo naro su ki naras tue!
Indipendentzia, soberanía o federalismu ki siat, kentza de limba e de curtura sardas non b’amus a arribbare mai.
Custos Bossiteddos su votu miu non ddu pigant, no!
