Linguistica o politica?

Mauritziu Virdis m’at scritu, arrespundendi a su post miu “Lacanas…”:

“Eja! ma is chi si narant “prototipi” – protoòtipus linguìsticus, seu narendi – esistinti abberu in sa conca de tottu is òminis, de is chi fuedhanta. E insandus no est chistioni de làcanas o de isoglossas, est chistioni de concas, e custus protòtipus funti s’arresurtau de s’istòria, de su logudorese illustre deddiora meda imbentau, de su campidanesu “urbanu” e no rùsticu. Pusti funti bénnius is séculus XIX romànticu e XX anàrchicu-sperimentali cun cudha bibbirrina de sa libertadi: e ‘nci ant attroppelliau tottu. Perou is protòtipus abarrant cravaus in sa concas de is “parlanti”. Fortzis is chi si ndi scabbùllinti de is protòtipus funti propriu is “mesanesus”: po custu sa LSC est mala a dha scroxai e a dha matziai.
Mi’ chi cudha lingua chi ses circhendi tui no est chistioni de linguistas (cun làcanas, isoglossas, fonos e fonemas e morfemas, Chomsky, Comrie, Wagner, Saussurre e dimmònius chi si pighinti – “rodhugò”, iat nai Fisietto!): est chistioni de psicologia, sociologia e antropologia, e po ùrtimu de linguistica.
E – inorabona – no siata aicci atzudu e bettiosu cun is linguistas de su passau!”

O Mauritziu, e immoi ti nd’acatas ca candu deu fatzu is propostas mias de auniri sa grafia de su sardu seu fendi su chi naras tui: “psicologia, sociologia e antropologia, e po ùrtimu de linguistica”, in curtzu, POLITICA!

Deu dd’apu sempri nau.

Ma su chi mi spantat est ca non ti nd’acatas ca tui puru ses fendi politica, candu naras ca sigumenti custas lacanas esistint in sa conca de sa genti, tocat a lassai perdi s’idea de tenni una forma de sardu chi dongat espressioni a s’unidadi linguistica fundamentali intra de is fueddant in sardu.

Est sempri su propriu contu: tui, Pittau, Paulis, Blasco, Lupinu tirais sa perda e cuáis sa manu!

“Bolognesi ammisturat politica e linguistica! Nosu no!”

Agiumai, no!

Bosatrus seis fendi politica a sa propriu manera de is chi in su 1946 non boliánt a votai is feminas: “Funt sempri stetius is ominis a cumandai. Eus sempri connotu custu, bolit nai ca est naturali chi siat de aici. Immoi  issus bolint cambiai is cosas: funt issus chi faint politica”.

O Mauritziu, ma deu ti ddu depi nai ca a scioberai de non cambiai is cosas est unu scioberu politicu cantu su de ddas bolli cambiai?

Dda segu in curtzu, ca tanti custa est cosa longa, e si torru a preguntai sa propriu cosa: cali est su progetu politicu a palas de is positzionis politicas de bosatrus?

E non mi torrist a ammesturai politica e linguistica tui puru!

Saludus

Advertisements

One Trackback to “Linguistica o politica?”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: