Cessu cessu! Deu e Pittau seus de acordiu in una cosa!

Labai ita apu agatau in su situ de Massimu Pittau.

Narat sa propriu cosa chi nau deu in “Sa ‘Costante resistenziale’ e atrus mitus sardus”: is Sardus arresistentis fiant mortus e is feminas si funt cojadas cun is Arromanus.

Ma issu custas cosas ddas at nadas innanti de mei, mancari non ndi boghit totus is conseguentzias chi ndi bogu deu.

Spassiai-si!

http://www.pittau.it/Sardo/latinizzazione.html

3 Comments to “Cessu cessu! Deu e Pittau seus de acordiu in una cosa!”

  1. Ehia, però siamo punto e a capo: niente mi vieta di pensare che la costante resistenziale sia stata portata avanti, alla grande, dalle donne sarde, e che ci siano pure riuscite in pieno visto che, come ricorda nel finale Pittau citando Orazio: Barbaria capta, ferum victorem cepit «la Barbagia conquistata, a sua volta conquistò il feroce vincitore»…e se, alla fine i legionari finirono a loro volta a diventare ‘’bardaneris’’. No, il nostro grande Archeologo ha visto giusto: sono istados son brabaxinos (e sas brabaxinas) sos chi ana mantesu sas antigas traditziones, sos chi sono resessidos a las fagher arrivare fintzas a commo. In prusu, l’hammus sempre histu, chie est bennidu a dommo nostra, e b’est abarradu meda, este diventadu sardu isse puru, arrivende in pagu tempus a si ponner ‘’in sintonia’’ ki sa terra inumbe caminada. Emmo, son’ istados issos, minnannos nostros, minnannas nostras kin sos ammentos issoro, ma este istada fintzas – antzis, pisapprestu – sa Terra Nostra, chin sa roccas, sos alvures, su chelu, s’abba, su entu, (.. sas feminas) a battire innantis sa custante resistentziale. No Bolognesu, no este unu mitu sa custante resistentziale! si nono non fid’istada ancora bia, comente imbetzes lu este. Chie benit a inoghe, et b’abbarat, imparat lestru a cumprendere s’anima se qust’Isola…… e a bi faeddare.

  2. S’articulu de Pittau m’est pàrsidu meda de interessu peroe mi benit una dimanda: Faeddande de Iliesos Pittau montovat unu muntone de biddas de sa zona chi commo mutimos Barbagia e calicuna de sa Baronia. Apo lèzidu unu lìberu de Attilio Mastino (Storia della Sardegna antica) chi ispiegat chi sos Iliesos fint unu populu chi istaiat in su Marghine-Gotzèanu. Mastinu citat siat fontes antigas siat un’iscritzione ind unu nuraghe de Bortigale, chi est in su Marghine. In s’iscritu de Pittau custas biddas non sunt numenadas. Tando sa dimanda est custa: segundu fostè ube fint custos Iliesos? Sa mia est petzi curiosidade, bidu chi so Marghinesu e mi diat piàghere a cumprendere menzus s’istòria de sas zonas nostras.
    A nos bìer sanos

  3. @ Pisineghe: amigu meu, mi ca ses faeddende de 2500 annos de storia! Segundu Lilliu e puru segundu Pittau e puru segundu a tie, sa storia in Barbagia s’est firmada pro 2500 annos.

    In bon’ora!

    @ Austinu: deo so linguista sincronicu. Po s’ateru mi depo acuntentare, che a tie, de su chi narant sos espertos. FC Casula (La storia di Sardegna) ponet sos Ilienses in sa zona in mesu de Buddusó e su mare.
    E deo nd’isco prus pagu meda de issu!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: