Formas sutastantes (3)

Si castiamus a is faeddos chi in su sardu de cabu de basciu mostrant una vocale media aberta, mancari siat sighida dae una vocale arta, bidimus ca in is dialetos de cabu de susu custa vocales artas currespondint a vocales medias:

bEni ~ bEnE

bEngu~ bEnzO

cOru ~ cOrO

frOri ~frorE

E bidimus puru ca si pigamus unu fueddu italianu e ddu imperamus in sardu, sa matessi cosa sutzedit:

badanti ~ badante

televisiÕi  ~televisione

Dae cust’esempru bidimus puru ca sa I de televisiÕi abarrat aberta: giustu-giustu su chi sutzedit cun is faeddos ki currispundint a is faeddos de cabu de sus ki acabbant cun una vocali mesana.

Insomma, bidimus ca in su sardu de cabu de jossu esistit una regula sincronica (ativa)  ki furriat is vocales mesanas in s’acabbu de su fueddu a vocales artas.

Un’atra regula sincronica est cussa ki faxet sighire una cunsonante in acabbu de fueddu da una copia de sa vocale ki dda sighit (paragogia):

teulas –> teulas[a]

papat –> papaD[a]

E custa regula non cumparret in sa grafia de su sardu de is scritores espertos, comente non cumparrent is allofonos ki resultant dae sa lenitzione.

Ne-mancu custa parte importante de sa pronuntzia de su sardu s’agatat in cale-si-siat proposta de standard.

Comente faxet a bier, is propostas de grafia ki is ki las proponent presentant ke “naturales” e “fideles a sa pronuntzia”, sa pronuntzia reale non la sighint.

Solu unu macu o un’inniorante disisperadu iat a poder proponner de scrier cale-ki-siat limba comente si pronuntziat.

Pro nde narrer una: in su sardu de Sestu, bi sunt 10 (dexe!) maneras diferentes de pronutziare su fonema /s/ in acabbu de fueddu.

Nemos est aici macu de proponner 10 maneras diferentes de scrier custa S.

Is propostas de standard de su sardu sunt totas astratas meda, ma is ki las proponent ddas presentant comente si fessint trascritziones foneticas de sa pronuntzia.

Non nde cumprendent e/o sunt imbrolliones.

(sihit)

Advertisements

One Trackback to “Formas sutastantes (3)”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: