Formas sutastantes (4)

Comente ddos depimus scrier tando custos faeddos ki in su sardu de cabu de jossu acabbant cun una E o una O?

Sa respusta a custa pregunta podet solu esser una respusta politica: si boles esprimer s’unidade de su sardu scries sa forma sutastante, presente in totu is dialetos; si boles pratzire su sardu scries sa pronuntzia (in parte) reale. In parte, sceti in parte reale.

Proita ca si boles distingher sa pronuntzia de “beni!” (verbu) dae cussa de “beni” (averbiu):

beni ~ bEni

comente faxes?

Scries béni pro su verbu e bèni  pro s’averbiu, imperende is cumbentziones graficas italianas? Si podet faxer: bastat a narrer ca is cumbentziones ortograficas de s’italianu serbint a pratzire su sardu.

S’atra cosa chi faxet a faxer est a scrier beni  e bene  in ambas bariedades de su sardu e a las pronuntziare sighende is proprius regulas de pronuntzia ki mi permitint de pronuntziare ke badanti  < badante unu faeddu intradu dae pagu dae s’italianu. Cun unu vantagiu in prus, si scrio bene iscio ca sa metafonesi non bolet aplicada e duncas ca depo pronuntziare bEni.

Tando a ita mi serbit sa linguistica?

A faxer propostas de politica linguisticas craras e onestas: deo so a favore de s’aunimentu de su sardu scritu e puru pro mantenner is sa lingua faeddada totu sa rikesa de bariantis ki esistit.

Sa linguistica mi serbit pro mostrare comente si podet faxer sa cosa. Proita ca non bastat a ddu boller su ponte, tocat puru a dd’ischire fraigare e tocat puru ki custu ponte ddu potzant imperare totos.

Apo a sighire mostrende cales bias faxet a sighire pro arribbare a unu sardu aunidu in su scritu e libberu in sa pronuntzia: prus de custu non si serbit ca su sardu est già una koiné e immoe già nos cumprendimus a pare.

Sa primu est cussa ki apo tratzadu in s’articulu miu in La lingua sarda (atti del II convengno del GLS, Quartu 1997) . Custa bia permitit de donare spatziu in sa grafia fintzas a cussas bariedades ki immoe abarrant unu pagu a un’ala (nugoresu, bitzichesu e baroniesu), ma bi nd’at ateras puru.

(sighit)

Advertisements

One Trackback to “Formas sutastantes (4)”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: