Ni-mancu ddas ligint is cosas chi criticant!

Ma comenti si fait cun custa genti?

Ligei-si su chi mi scriri Christian Urru (Responsàbbili Ufíciu po sa Língua e sa Cultura Sarda_Unioni de is Cumunus de su Partiolla e Campidanu de Bàsciu (de tres annus).)

e ligei-si su chi nau deu in s’articulu. Issu s’articulu miu non dd’at ni-mancu ligiu!

2 Comments to “Ni-mancu ddas ligint is cosas chi criticant!”

  1. Caru Bolognesu,

    sa pregunta mia in post scritum fiat, cumenti si narat, “irónica”, unu pagu scèti eh…
    Deu imu lígiu totu e scéti po cussu mi seu permítiu de scriri cancuna nota (chi Vostei at giudicau crítica e bastat).
    Perou Vostei no at lígiu su chi apu scritu deu e custu mi dispraxit de prus ancora, poita fortzis at giudicau s’interventu miu cosa de pagu contu.
    Po custu, sigumenti is críticas serbint po cresci (chi unu ‘olit…), apu lígiu torra.
    E torrau a ligi.
    (E mi ndi seu arregordau puru de una bella letzioni chi Vostei iat fatu in sa Cittadella dei Musei, an-ca lodàt sa giustesa de sa LSM, sa Limba de Mesania).

    Deu imu cumpréndiu beni, Bolognesi.
    E mi premitu, cust”orta, de ddi nai ca Vostei sighit a arrexonai scéti cun sa teoria.

    Una cosa po un’atra: est una fraula ca unu campidanesu (o logudoresu) no scit nai in cali “banda” intrat sa língua sua, chi siat campidanesu o logudoresu.

    In Silius (apu trabballau innia po unu progetu cun is iscolas), unu pastori-poeta, unu pagu arfabbetizau, su tanti giustu po scriri, custa diferéntzia dda connosciat beni: siat scriendi, siat chistionendi.
    E giai totus is chi funt unu pagu axeliaus po sa poesia narant: “Eh est bellu su mutetu longu campidanesu…ma a sa logudoresa!” e incumentzant a oberrie serrai is vocalis e a fai sa “S” a sa logudoresa.
    Deu pentzu chi siat diaici po sa parti prus manna de is sardus. Is inchiestas, is intervistas, tocat a biri cumenti funt fatas: su ríschiu de tenni in contu scéti cuddas est tropu mannu.

    Un’atra cosa: no est fortzis unu machímini (no est una domanda retorica eh…) a pentzai de podi lassai, po su chi tocat s’ortografia, s’arfabbetizatzioni in italianu? Est bella s’idea sua de cussa “X” double-face, ma in sa pràtica? (Mancu custa fiat una domanda retórica).
    At mai provau a imparai a unu chi chistionat beni su sardu (ma chi no dd’at mai scritu) ca si scrit “is montis” e no ” i montisi”?

    Vostei est siguru de podi imparai a unu de Igresias (fadeus contu chi no at mai scritu in sardu) a scriri su sardu suu cumentu ddu scrit Vostei? No bollu fai palla, ma, segundu mei, iat a imparai prus de pressi a scriri e ligi a sa manera mia (ca pois no est sa mia, ma unu trabballu fatu de genti meda, in annus e annus…).

    Poita, Bolognesu, podeus pentzai a totu su chi ‘oleus, a totu is solutzionis chi ‘oleus, pentzai de tenni una forma de autonomia de s’italianu scriendi puru (o fortzis iat a èssi s’única?): ma chi is cosas funt tropu trabballosas, stentosas…a ita serbint?

    Ps: “Custa genti”…nau de unu professori cun s’esperiéntzia e sa curtura chi tenit Vostei est diaderus légiu.

    In bonora

    Cristian Urru

  2. Tanti ppo si cumprendi.
    Tui naras: “(E mi ndi seu arregordau puru de una bella letzioni chi Vostei iat fatu in sa Cittadella dei Musei, an-ca lodàt sa giustesa de sa LSM, sa Limba de Mesania).
    Deu non seu mai stetiu a favori de sa LSM.
    A a sa cittadella apu presentau sa circa a pitzus de su cuntatu intra de su sardu e is lingua dominantis.
    In s’articulu nau ca sa GSC est una manera de scriri, non una lingua.
    E ca s’unica cosa chi bolit imparada est sa manera de scriri donniunu su dialetu suu.
    Duncas totu cussus discursus apitzus de is pipius chi depint imparai sa LSC non nc’intrant nudda.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: