Respusta de Massimeddu Cireddu

Salude Roberto,

tenes arresone, su logu pro iscrìere in custu giassu est meda prus mannu! T’at a fàghere praghere a ischire chi su giassu nou chi semus aprontende at a tènnere unu bellu logu pro pòdere iscrìere e at a èssere fintzas plurilìngue.

Chirco de ti rispondere pro puntos, giai ca s’iscritu tuo est longu e cun medas cuntzetos, e non mi bògio iscarèssere de nudda.

Primu. Tenes arresone cando naras ca sa natzione no est isceti limba, istòria, orìgine, territòriu (e carchi unu diat pòdere agiùnghere sàmbene…). Custu est pròpiu su non-natzionalismu nostru.

Duncas chi partimus dae inoghe, no renesso a cumprendere comente lompes a su natzionalismu de nàrrere: “”Per lo stesso motivo non voglio definire la nostra letteratura nazionale anche sulla base della lingua che definisce quell’obbrobrio che chiamano “nazione italiana”.””

Tue naras: “”Io–ma non sono il solo–non mi posso e non mi voglio identificare con la lingua dei nostri oppressori storici e attuali, con la lingua della dipendenza, con la lingua del colonialismo e del neocolonialismo.””, ma perunu ti ddu pedit! Sa Sardigna chi tenimus in conca est plurilìngue, e duncas si tue ti boles “identificare” isceti cun su sardu, dd’as a pòdere fàghere. Est craru chi si pedis custa libertade non dda podes bogare a chie, fèmina o òmine sardu, bolet impreare s’italianu.

Pustis, mi paret de cumprèndere chi tue puru refudas sa classificatzione “scientifico-classificatorio”, ma nde impreas un’àtera “polìtica” in ue su critèriu est: “est unu romanzu cun temas turìsticos-deleddianos e duncas est iscritu pro is italianos, o est iscritu pro is sardos?”. Ponende chi siat aici, duncas unu romantzu iscritu in sardu chi sigat sa traditzione deleddiana diat pòdere èssere literadura italiana? O forsis diat pòdere èssere literadura “coloniale” sarda? E duncas no cumprendo pro ite non bi podet èssere literadura “natzionale” in italianu!

Inoghe naras, chistionende de Kelleda Murgia: “”Ma la sua non è letteratura sarda. Non lo è per via della lingua e non lo è per via dei contenuti turistico-deleddiani.”” Torramus a su puntu! Si sa limba no est una discriminante (e duncas non ddu podet èssere pro tzertas limbas eja e pro àteras nono), abarrat su giudìtziu de is temas, ma cussu non podet che èssere personale, de cada unu, e mai unu giudìtziu polìticu. Bi diat mancare puru chi is partidos si pòngiant a fàghere crìtica literària!

A s’agabbu naras: “”Il diritto alla lingua è un diritto collettivo e in quanto tale impone dei limiti ai diritti individuali.”” “”[Murgia] Scrivendo in italiano contribuisce–e data la sua bravura e notorietà–in modo pesante a relegare il sardo nel ghetto della diglossia.”” Eja, su diritu colletivu podet in carchi manera pònnere lìmites a is diritos individuales. Pro nàrrere, in sa iscola s’imparu obligatòriu de is limbas natzionales diat pòdere limitare su diritu a chie non ddu bolet pro is fìgios suos… aici comente su deretu colletivu de retzire is comunicatziones ufitziales e pùblicas, su diritu colletivu a is mèdios de comunicatzione, etc. Aici si podet essire dae sa diglossia! Deo creo, chi mancari siat una iscritora meda brava, Michela Murgia potzat fàghere pagu pro sa diglossia in Sardigna, sena chi bi siat una polìtica linguìstica, che est pustis cussa chi bolimus nois (e in is chidas chi ant a bènnere dd’as a pòdere lèghere). E pustis, si chistionamus de polìtica, una polìtica diat pòdere èssere cussa de favorèssere is bortaduras in sardu e in is àteras limbas natzionales de is romanzos prus bèndidos, craru non podet èssere una polìtica cussa de nàrrere a is autores in cale limba depent iscrìere!

Pustis ti naro ca, de una manera o de s’àtera, e mancari non pragat a tue o a issa, tue e Michela seis in sa pròpiu natzione chi est cussa sarda. Una natzione chi podet tènnere fintzas contradditziones, comente totus, ma chi est prus rica e non prus pòbora gràtzias a custas diferèntzias.

Sighi·si in is chidas chi benint, ca so seguru chi amus agatare fintzas cosas in ue semus de acordu.

A si bìdere luego,
Massimeddu

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: