Quante varietà, Magnifico Rettore?

In sa scientzia est “omine” (omine abbile) chie podet motivare su ki narat.

Is áteros sunt omineddos de pagu.

Su Retore de s’universidade de Tatari (s’archeologu Attilio Mastino) at nadu in Uri ca su sardu est partzidu in tres bariedades: su campidanesu, su logudoresu e su nugoresu.

Tando deo lu sfido a nosi mostrare inue passant is lacanas de custas tres bariedades.

E lu sfido a dimostrare ca su trabballu miu e cussu de Michel Contini sunt “scientificamente trabballanti”, comente at nadu Giovanni Lupinu, chentza nen-mancu tenner s’atza de narrer proita custu trabballu diat esser “trabballante”, de chi est su trabballu, inue est pubblicadu.

Su trabballu miu e su de Contini mostrant ca lacanas intra de bariedades de su sardu non bi nd’at.

Is cartinas nostras (fatas in manera indipendente s’una dae s’átera: una basada a subra de is isoglossas, s’atera a subra de s’analisi computazionale) mostrant sa propriu cosa:

Cartina de Michel Contini (1987)

Cartina de Bolognesi (2007)

Custas cartina sunt diferentes e cumplementares: sa de Contini mostrat cales sunt is fenomenos de is dialetos sardos. Sa mia mostrat cale est su tretu intra de is dialetos, leende in cunsideru ca unu certu fenomenu “pesat” de prus si est presente in medas faeddos. Duncas s’isoglossa, pro esempru, ki separat sa pronuntzia de sa [e] o de sa [i] finales est presente una borta sceti in sa cartina de Contini, ma in sa cartina mia custa diferentzia est contada donni borta chi sa diferentzia cumparet in unu faeddu. E custu donat resurtados diferentes dae is de Contini est craru. Tando in sa cartina mia sa diferentzia, naramus tra [sole]  e [soli)  contat de prus ki non in sa cartina de Contini e s’acostat de prus a sa ki est sa pertzetzione ki is sardos tenent de custas diferentzias, proita ca is faeddos ki mostrant custa diferentzia sunt medas.

Tando, Attilio Mastino, si est un’omine de scientzia, immoe nosi depet narrer innue passant is lacanas intra de is TRES BARIEDADES  de su sardu.

E nosi depet narrer proite sa LSC est una limba de plastica, cando est uguale pro prus de su 90% a su sardu de Abbasanta.

E si issu creet ca deo apo imbrolliadu cun sa chirca mia (“scientificamente trabballante”) totu su chi depet faxer est a cuntrollare is datos: datos, cartinas e figuras

Si est omine…

“Ci sono uomini, mezzi uomini, ominicchi e quaquaraquà” (Leonardo Sciascia)

4 Comments to “Quante varietà, Magnifico Rettore?”

  1. Sezes semper discutinde de lacanas e de variantes ma ite es prus importante a abarrare homente semus o a hilhare de nos ponner de accordu pro ahattare unu modu de unificare una limba i siad bona pro tottus sos Sardos, a mimi mi pared a hustos sun solu discursos de pagos locos e malunidos torramus semper a sa matessi istoria.

  2. Mi paret ca Milianu s’est pèrdidu calencunu passàgiu…

  3. mi chiedo se il magnifico rettore Attilio Mastino, abbia letto gli studi di Bolognesi e di Contini, d’altro canto se li avesse letti , ci sarebbe da chiedersi se li ha capiti!

    Mi sa che Attilio Mastino si affida troppo ai luoghi comuni,
    Caro Rettore la conoscenza avanza, si guardi attorno e metta in dubbio i luoghi comuni che i suoi colleghi, sia linguisti che archeologi , papagallescamente continuano a ripetere.

    saluti

    mauro peppino

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: