Classe dirigente

Su cunsigiu regionale non spendit ne-mancu cussu pagu de dinari ki ddoe est pro sa limba.

Mi ddos intendo narende: “Abbiamo altro a cui pensare! C’è la crisi! La disoccupazione alle stelle! Il precariato!”

Fia pipiu e non connoschíat áteru: frades mios andánt a trabballare a giorronada in sa massería de Prof. Cioni a 100 francos a sa die e in su 1960 sunt emigrados is duos prus mannos. A sa fine de 6 frades mascros semus emigrados totu.

E tando de limba non nde faeddaíat nemos.

Sa classe dirigente nostra teníat sceti cussos probblemas de pensare.

Sunt passados prus de 60 annos e semus ancora a su propriu puntu.

Su probblema nostru est propriu custa classe dirigente, ca est sa propriu de s’Italia.

Est sa propriu ratza de gente: Italianos o Italiotas.

S’Italia est sa ki est: una birgungia e unu perigulu fintzas pro s’Europa.

E sa Sardinnia est sa ki est: un’isula autocolonizada dae una classe dirigente ki non est bona a si castiare a giru e ca dipendet in totu dae is meres issoro italianos.

Non est berus ca non spendent su dinari pro su sardu ca sunt pensende a is probblemas cuncretos de is Sardos.

A cussos probblemas non b’ant mai pensadu, ca non sunt bonos a faer is interessios issoro e, in su propriu momentu, is interessios de is Sardos.

Sa legitimidade issoro benit dae s’Italia e dae sa curtura italiana e issos sunt cumbintos ca su ki serbit a is Sardos est a si furriare a Italianos.

E custu est sutzedende: sa Sardinnia puru s’est furriende a unu logu de merda.

Unu logu de merda, ma prenu ancora de disocupados, precarios e ancora fabbrica de emigrados.

Balla, nd’amus fatu de tretu in 60 annos!

Amus casi perdidu sa limba e s’anima nostra e semus abarrados mortos de su famine.

Kentza de indipendentzia curturale amus a abarrare de aici: tontos e mortos de su famine.

No, a sa classe dirigente nostra, de dereta e de manca, su sardu ddi podet sceti faer dannu, pro cussu non ddu bolent.

Cun s’italianu abarramus tontos e sighimus a nosi aguantare una classe dirigente de merda, ke cussa de s’Italia.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: