Sa retorica de Maninchedda

Un’amigu m’at scritu de faer una critica prus articulada a su manifestu antirevolutzionariu de Maninchedda.

Ma deo non bi la fatzo a scrier in manera seria de cussu muntone de faeddos retoricos e boidos.

Lassende puru a una parte sa comitzidade involuntaria de “servire il popolo”, ca scritu de unu democristianu D.O.C. faet pensare deretu a su giornale de sa DC  bonanima, totu s’articulu est sceti sa decraratzione de unu “personaggio in cerca di autore”:  de un’omine de podere in chirca de una causa pro si faer dare su podere.

Ita bolet narrer: “competiamo per costruire uno Stato sardo equo, efficiente, solidale.”?

Comente bi bolemus arribbare a custu stadu? Cale est su programma de Maninchedda pro b’arribbare?

Innoxe potzo sceti ripiter sa critica ki apo fatu medas bortas a is indipendentistas: in pratica custos faeddos retoricos bolent narrer sceti “Vota Antonio!”.

Votade a Maninchedda ca bosi portat issu a su chelu in terra de su Stadu indipendente de Sardinnia!

Comente apo nadu medas bortas, nos sardos podimus lomper a sa non-dipendentzia sceti si resessimus a tenner una curtura–e a pustis un’economia–indipendentes.

Cun custa classe dirigente fata de democristianos e PCIstas retziclados ki ant semper sutzadu su late avelenadu de sa dipendentzia curturale dae sa tita de Mamma Italia non amus a lomper a nisciunu logu.

Is positziones de Maninchedda a subra de sa kistione de sa limba–ki est su nucleu tzentrale de sa kistione curturale–sunt craras: non faet nudda de positivu pro sa limba, ma acotzat, pro interessios suos personales–est unu pratu torradu– is positziones de s’academia sassaresa, nimiga de sa limba.

Tando non faet a leare in manera seria su ki narat Maninchedda a subra de s’indipendentzia: est solu retorica boida.

VOTA ANTONIO!

Ma Totò a su mancu fadíat rier.

Maninchedda si preguntat a solu: “Siamo in un clima rivoluzionario in Sardegna?”

E si respundet a solu: “Non competiamo per guidare la rivoluzione (che se ci sarà, sarà violenta e inutile)”.

E kie dd’aiat mai pensadu ca issu bolet ghiare una revolutzione?

Siguru ca non at esser kissu a ghiare s’unica revolutzione ki serbit a sa Sardinnia, cussa curturale, non-violenta e utile meda.

Democristianu fit e democristianu abarrat.

One Comment to “Sa retorica de Maninchedda”

  1. Tottu pretzisu e zustu; solu chi sa chistione culturale est istoria( cun archeologia) e limba. E s’academia est nemiga de s’istoria sarda( e archeologia) e de sa limba. Donzi faina po cale si siat bidea de soberanìa devet cumintzare da custu o abbarrat chena sensu.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: