Abetende

Abetende su spantu ki at a sutzeder cando nd’at a ruer Berlusconi.

E s’áteru ki at a sutzeder cando nde ruet Cappellacci.

Ma non at a sutzeder nudda de spantosu.

Ant a cambiare unu nomene cun un’áteru, una cara cun un’átera.

Is Italianos e is Sardos non ischint a cale parte andare e tando abetant.

E is Sardos forsis de prus puru de is Italianos, ca kie non faet nudda, non sballiat mai, annó?

Acotzados a is muros de “Via Nuova” castiant a is ki passant e criticant.

At a bastare su famine prus mannu ancora ki est arribbende a nde ddos scotzare?

S’ant a rebbellare o ant a sighire a  chircare sa fortuna donniunu pro contu suo, emigrende o arrangende-si?

Cando dd’ant a cumprender ca est ora de stantargiare unu modellu de svilupu alternativu a su modellu italianu?

Su ki nd’est ruende non est un’omine, ma una manera de biver, est sa “modernidade” italiana.

In cabu a pagos annos at a esser totu su propriu de immoe, sceti peus, ca su dinari pro “biver a s’italiana”, a depidu, est spatzadu.

Su male de is Italianos non est ca non tenet “senso dello stato”: non tenent “senso della comunità”.

Su fallimentu de Berlusconi est su fallimentu de s’italianidade, su fallimentu de se mundu de “is figios de bagassa”, is ki si nd’afutint de is regulas e de is áteros: de is ki si nd’afutint de sa comunidade.

Is Sardos custu “sensu de sa comunidade” ddu teníant, mancari fessit ancora a livello de bidda, tribbale.

Tocat a torrare a cussu “esistimus totus impari”, ca naraíat Giusepe Fiori medas annos a oe.

Semus Sardos impari o non semus nudda, ke is Italianos.

E como tocat a nosi castiare a giru, pro imparare dae áteros populos, dae populos diferentes meda dae is Italianos.

Pro agatare sa manera giusta de esser Sardos e modernos.

Torrende, ke semper, a sa kistione de sa limba.

Immoe bidimus a ita s’at portadu sa connoschentzia de s’italianu: a esser parte de unu paisu ki s’est pudescende, ma cun s’illusione fintzas a oe de esser unu grandu paisu, prus o mancu “autosufficente”. Pro cussu is Italianos non imparant áteras limbas.

Custu grandu paisu immoe est “sotto tutela”, e non est Berlusconi sceti ki est “sotto tutela”: funt totu is Italianos.

Miga sunt scimpros is áteros: ddu bient bene ca is Italianos a solos non sunt bonos a ddu mandare a pascher dindos a cuddu, ki immoe est unu perigulu pro totu su mundu.

Cun sa limba nostra, custa illusione de esser “mannos” non faet a dda tenner. Su sardu non si bastat. Sa Sardinnia a sola non si bastat.

Bivimus in unu mundu prus mannu de nois e tocat a nde tenner contu: in su bene e in su male.

Tocat a torrare a biver a intro de unu comunidade, o mengius, a intro de una seria de comunidades contzentricas.

Tocat a pensare a is áteros puru, sinono is áteros ti ponent “sotto tutela”.

Podimus esser Sardos sceti si semus Europeos, e podimus esser Europeos sceti si semus Sardos.

Su ki non nosi serbit est s’italianidade, ki nosi at pigadu a custa miseria morale, intelletuale e materiale.

S’italianidade dda sunt ponende in discussione fintzas is Italianos onestos.

Si ddis naramus craru ca nos puru non bolenus esser parte de cussu paisu pudesciu, ddos agiudamus.

Italianos? No Grazie!

Bolimus esser Sardos e Europeos!

3 Comments to “Abetende”

  1. Deppes iscusare, ma tue a l’ischis si b’at calecunu chi at istudiadu sa limba de sas puddas? Ti lu pregunto ca isco chi ses unu linguista de gabbale e ischis unu muntone de cosas.

  2. dónnia tanti ti ndi agatas unu nou, Robè… mancu mali chi tenis sa limba sempri pronta!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: