Iscritziones a sa scola pro su 2012-13: cosa de importu!

 

Mauro Maxia m'at mandadu custu messagiu de importu mannu pro is chi tenent figios in sa scola!

Salude a totus,
bos do a ischire chi, comente aiamus pedidu in S'Alighera in sa Die de sa 
limba 2011, Enrico Tocco, dirigente de sa diretzione iscolàstica regionale, oe 
at imbiadu a sos dirigentes iscolàsticos una lìtera in ue los cumbidat a 
integrare sos mòdulos de iscritzione pro s'annu 2012/13 cun custa frase:
“Se il Consiglio di istituto e il Collegio dei docenti lo stabilissero nel 
POF, se la scuola avesse le competenze professionali adeguate e la loro 
disponibilità ad operare, richiederebbe per il proprio figlio lo studio del 
sardo?”
Sa lìtera de Tocco est tardìa (ca sas iscritziones iscadint sa die 20 de custu 
mese) ma est sa prima borta chi sa diretzione iscolàstica regionale faghet 
custu passu. Est importante chi in custas dies chi mancant a s'iscadèntzia de 
sas iscritziones sas famìlias iscant chi como tenent sa possibilidade de pedire 
s'insinniamentu de su sardu. Diat esser importante puru chi custa nova essat 
luego in sos duos cotidianos sardos, mancari in sas crònacas locales.
 
Saludos
 
M.Maxia

2 Comments to “Iscritziones a sa scola pro su 2012-13: cosa de importu!”

  1. Torro gràtzias a Maxia chi nos at postadu custa nova de importu mannu e chi de gasi la podeus postare a unas cantas mamas (e babbos) de sas bidda nostra. Una cosa però la depo nàrrere: ca In Sardigna si sighint a fàghere sas cosas a sa manera italiana, diat a èssere una manera imboligosa e belle mala a concruire. “Se il Consiglio di istituto e il Collegio dei docenti lo stabilissero nel
    POF, se la scuola avesse le competenze professionali adeguate e la loro
    disponibilità ad operare, richiederebbe per il proprio figlio lo studio del
    sardo?”
    Mi dimando si sa Regione connoscat comente funtzionat s’iscola, sa conca de sa parte manna de sos maistros chi pentzant galu chi su sardu siet de “impedimento all’apprendimento di un corretto italiano” e chi “ti assicuro che chi ha le maggiori difficoltà in italiano perchè confonde l’una e l’altra lingua, sono i bambini che parlano in sardo”……sa parte manna de sos proefessores e de sos maistros no ischint ite est su bilinguismu, no ischit ite sutzedet in sa conca de unu pilocheddu e comente de pagu in pagu ch’ismanigat su lèssicu de s’una e de s’àtera limba. A nàrrere sa beridade sa parte manna de sos maistros (e professores) non connoschent mancu comente funtzionat s’imparu de su lèssicu chi insenniant issas/os. Ca sunt formadas/os annos faghet e cun sos inditos de su ministeru chi narat craru: “I MAESTRI E GLI INSEGNANTI DEVONO INSEGNARE L’ITALIANO” semper e in cada si siet matèria issos sient insenniande. e de chie est fatu su “Consiglio di Istituto e il Colleggio dei Docenti” chi depent istabilire su POF. E un’àtera dimanda de importu mannu: “e se la scuola avesse le competenze” e chie las at sas cumpetèntzias su professore internu chi si pigat cada annu su dinare de sa 26, de sa Die de sa Sardigna, de sa L. 3 pro imparare un’àtera poesia de Peppino Mereu a sos dischentes e lia imparare in italianu? o chie comente a Carboni faghet fàghere istòria intendende sos isciamanos de sa bidda chi contant de una briga e de unu boe iscorradu??? A seguru deretu deretu, una lege noa fata dae una cummissione de operadores de sa limba e ESPERTOS (torro a nàrrere) ESPERTOS ca connoschent bene sos inghìrios de sas leges de in antis. Segundu segundu, ma primu primu pro su chi pertocat s’iscola, podiat fàghere una cosa meda prus curiosedda, meda prus a tèrmines de lege: istabilire sas cumpetèntzias pro tìtulos: dae su Master ispecìficu de II livellu, a sas chircas, a su triballu in su logu (ufìtzios de sa limba e cantu b’est) e oe FILS, totu in base a su mèritu. Custa cosa si mutit meritocratzia e non ispintocratzia. C’amos a resèssere una die o s’àtera de non istacare de custa autocolinizazione culturale chi sighit su male po peus de custu fartzu istadu italianu????

  2. Nosu teneus sa 482/99 chi narat ca sa scola depit pregontai a babbus e mamas chi bolint chi a is fillus insoru s’imparit su sardu. Custu sa scola ddu depit fai me is mòdulus de iscritzioni. No ddu ant mai fatu. Duncas sa lìtera de Maxia est de importu mannu ca assumancu sa diretzioni regionali si nd’est acatata de custa farta (ma ge ia a essi curiosu de sciri cantu de is consillus de istitutu ant a benni a sciri de custa lìtera…). Est craru ca cun sa previsioni de lei arremonada, in d-unu stadu sèriu sa scola s’iat a essi giai atrintzada. Custa est una scola foras de sa lei est craru, ma no ndi afutit nudda a nemus. In Friuli si funt giai mòvius cun sa L.R. 29/2007 e su regulamentu de esec. (mancai cun calincuna talladura de sa c.c.), andai a si ddu castiai. E sa RAS ita est fadendi? No iat a depi imbentai nudda: fatzat su chi a fatu su Friuli. A dònnia modu est de importu mannu, assumancu deu creu, chi is genidoris scìpiant ca est unu deretu insoru su biri sa lìngua insoru imparada a is fillus. Po imoi creu chi no ddu scìpiat giai nemus. Duncas deu creu chi tochit a ponni custa pregonta, po ddu fai sciri a babbus e mamas duncas. In Sàrdara in consillu comunali seus aprovendu unu o.d.g. (o incapas ddu iau a depi tzerriai c.d.d. – chistioni de sa dii?) cumbidendi sa RAS a cumbinci s’ufìciu scolàsticu regionali a fai integrai is mòdulus de pre-iscritzioni a is diretzionis didàticas de s’ìsula. Eus a cumbidai a totu is comunus de s’ìsula a fai sa pròpiu cosa. Eus a biri. Imoi est tradu ca is pre-iscritzionis si faint aintru de su 20/02, bolit nai ca tenint un’annu de tempus po s’aprontai. Is scolas de seguru ant a nai ca no tenint dòcentis e duncas no funt prontas o ca su P.O.F. no ddu previdit o àteras scusas. Duncas “sa bòcia” torrat a sa RAS chi si depit imponni cun d-una lei, eus a biri. Perou sa scola depit fai amarolla su chi narat sa lei.

    Pàulu Pisu

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: