Limba e áteras cosas Lingua sarda e altro
Kelledda Murgia tenit arrexoni a criticai a is Sardistas (Vendere angurie quadrate – indipendenza – di cose sarde – Michela Murgia), ma issa puru!
Anca est indipendentista, ma non scriit mai in sardu.
Ah, anca at scritu unas cantas cantzonis e cancu fueddu puru in mesu a unu contu.
Calincunu mi dd’at fatu sciri.
Deu non mi ndi femu acatau.
E bosatrus?
Ciao, est semper unu praxeri de lexer is scedas tuas Robby 🙂
In tedescu si narrat: “pessone chi brincat subra’e dognia cabaddu currendi”. Issa, m’amentat semper a custu diciu. Cherret narrer chi issa est totu: religiosa, feminista, comunista, indipendentista e “intelletuale”. dognia cosa chi si podit esser, issa ddu est.
No, nimancu deu apo mai lexitu nudda de issa in sardu, ma custu non est de importu. pro mene est prus de importu ita apo biu inoxe in Berlinu cando at lexitu sa narratzione cosa sua, in S’istituto de Curtura Italiana, abribi 2010.
Bi fiat unu sennore, Paolo Porcu de su Tzirculu meu (de Mogoro), chi at fatu una pregonta in sardu. Issa l’at torrau custa arresposta:
“Grazie della sua domanda, sono molto felice che ci siano anche sardi sta sera. Preferisco però rispondere in italiano per la tradutrice e la gente che non capisce il sardo”.
ok? tres cosas chi m’ant segau is callonis!
1. L’at fatu in s’Isitituto de Curtura Italiana. Cando in Berlinu bi sunt: prus de 40 ristorantes sardos, su tzirculu sardu de berlinu e sa ICS (imbassiada culturale de sa sardinnia in berlinu- chi est de sa trumixedda de indipendentistas innoxe e chi sceti 2 meses innantis aia cumbidu a Frantziscu Sedda e Ornella de Muru cando fiant ancora umpare cun IRS). totu custu issa non ddu sciat? Bella indipendentista! Auguri!
2. Innantis de benner a Berlinu non s’at picau unu momentu pro bider si nci est gente sarda in Berlinu. Bhe, seus pagus, 1500, prus o mancu 300 in su tzirculu nostru, iscridos. peroe nos connoschimus casi totus. casi totus innia, in sa presentada cosa sua, fiant sardus. Non at imbiau una email e nimancu pregontau si podit lexer puru in su tzirculu! Bella indipendentista! e poi, ha anche sottolineato la sua ignoranza dicendo: “Sono felice che ci siano anche sardi” cazzo! secondo te? l’emigrazione più forte (a parte in continente) è stata in Germania! Secondo te, non sono andati nella capitale? Dopo l’italia, la federazione più grande dei circoli nel mondo, è in Germania! che glielo dica qualcuno! Abbiamo 14 circoli in Germania. Auguri! Ma parrit chi como l’at cumprendiu… e iscriet puru carchi borta pro su blog de s’emigratzione: Totus in pari… gei dd’at cumprendiu cale est su mercadu, beru?
3. Podiat torrare s’arresposta in sardu e faxer una auto-bortardura in italianu (e apustis sa picioca ddu podiat torrare in tedescu sena problemas). Ripeto: Bella indipendentista! Auguri!
Sa cosa prus bella est chi su mese benidore, puru in s’istituto de curtura ITALIANA at a benner s’amigu nostru Marcello Fois. Venas como, non m’at inbiau nudda a su tzirculu… peroe nois, totu is sardus, proto-sardus e para-sardus de sa grefa mea nci andaus pro bider a custu ateru “intelletuali”. comente sa die de Michela Murgia, non amus a narrer nudda. amus a abarrare citius… peroe, apustis carchi borta candu carchi d’unu allegat de custa gente, fortzis m’amento carchi cosixedda.
baxu, Alex
Est una cosa de importu su chi nos as fati ischire. Ti torru gratzias.
Beh o Robertu, non ‘nci at abbisongiu de iscriri in sardu po essi indipendentistas. E non dhis nanta “nouvelle vague” de sa literadura sarda a issa a Fois e a totu sa cumpangia? Unu scantulada de literau sardu e de indipendentista non si negat a nemus.
Eh, amigu miu. S’indipendentzia chentza de lingua sarda est che su binu fatu a polverinas e a bastoni. Serbit sceti a fai imbriagai.
Seis gelosus, ecco ita seis…ma immui una scrittrice chi scriit in italianu, fait recensionis de librus in italianus, bivit in Italia, partecipat a trasmissionis discutendi de cosas italianas, publicat po editoris italianus, non conoscit atras linguas fora de s’italianu ….est italiana? Ajò, est sarda e indipendentista !!!! 🙂
Bolognesu: in sardu 