Sceti in Sardinnia is politicos “indipendentistas” sunt indiferentes a sa kistione de sa limba

“S’indipendèntzia economica e politica si podet àere solu cun una indipendèntzia curturale chi nos frangat dae s’egemonia italiana. S’identidade nostra, chi no est nen mègius e nen peus de sas àteras identidades, la podimus pretzisare solu cun una o prus identidades linguìsticas chi sunt cussas istòricas de sa natzione sarda.”(Nanni Falcone)

Custa beridade simple est sa base de donni politica natzionalitaria in Europa. Sceti in Sardinnia bi sunt politicos “indipendentistas” ki si creent de poder arribbare a s’indipendentzia statuale kentza de passare dae s’indipendentzia curturale.

Custo politicos sunt colonizados curturalmentee non bolent ponner is discussione sa base de su podere de sa burghesia coloniale: sa curtura italiana.

Scrient sceti in italianu, ca in italianu pensant e esistint, cando est propriu sa curtura ki tocat a annoare pro annoare sa classe dirigente sarda.

E comente bi bolent arribbare a conkistare su 51% de is Sardos a s’idea de s’indipendendentzia?

Cun sa curtura e sa limba de is colonizadores.

ProgReS ddu narat craru e Maninchedda ddu narat abarrande-si mudu cando si tratat de amparare sa limba nostra dae is atacos de su stadu italianu.

Cale est su programma issoro: “Vota Antonio (“Vota a mie”) e la Sardegna sarà un giardino fiorito!”

Insomma, dae cando esistit sa RAS sunt semper pensende a resolver is probblemas economicos, chentza de afrontare su problema struturale prus importante: sa colonizatzione curturale de sa classe dirigente sarda.

Comente mai non bi resessent mai a resolver is probblemas economicos de sa Sardinnia?

Cun cale cara sighint a nos narrer is proprias cosas dae prus de 60 annos?

E si spantant ca pagu gente ddos votat?

Epuru ischimus ki s’80% de is Sardos bolet su sardu in sa scola.

Si bolent a ddos votare, proita non ponent custu ke unu de is puntos tzentrale de su programma issoro?

Ca non est kistione de mantenner su sardu biu, ma ke parte inerte de su connotu nostru.

Sa limba (is limbas) de sa Sardinnia est sa base de s’identidade nostra e est partende dae una cuscientzia natzionale noa ki podimus cambiare sa conca de is Sardos e arribbare a non esser prus dipendentes.

Sa kistione de sa limba e de s’identidade est tzentrale pro totu is movimentos natzionalitarios: sceti innoxe bi tenimus gente ki si bisat una Repubbrichedda Italiana de Sardinnia, innue s’indipendentzia at a arribbare kentza de cambiare nudda.

Bastat ki siant issos a dda proponner e a dda ghiare.

Si est custu ki mi proponent, beh, tando  mi nd’abarro in Olanda.

 

2 Comments to “Sceti in Sardinnia is politicos “indipendentistas” sunt indiferentes a sa kistione de sa limba”

  1. Abarradi in cue a su friscu ca innoghe sos indianos ‘callentes’ cherent abarrare indianos de balia faeddande s’italianu e s’inglesu ebbia. Su sardu nono ca est limba barbarica istranza de battoro calimereddos, nepodeddos de sos nuragicos. Genia ratzista, mala meda a isprantare.

    O Robbe’, a mi da mandas cusa cositedda?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: