Deo e sa LSC

Alexandra, in su cummentu a su post prima de custu, mi domandat cale est sa positizione mia face a sa LSC.

Non b’at misteriu perunu.

Deo so a favore de una LSC emendada.

Sa LSC imperada non est sa ki nd’est bessida dae sa cummissione: in sa pratica bies cosas ke a “pessone” a su postu de “persone” e “cussientzia” a su postu de “cuscientzia” e “numene” a su postu de “nomene”. Totu cosa ki non rispetat s’etimología e ca est sceti cabesusesa.

Su printzipiu de su lessicu ki depet esser de totu sardu non ddu rispetant.

Corraine e kie dd’at postu mente ant furriadu sa LSC torra a LSU.

Tocat, pro custas cosas, a torrare a sa proposta originaria de sa cummissione.

In sa pratica, sa LSC non est cussa ki apo aprovadu deo.

Ma torrare a sa proposta originaria non bastat.

Tocat puru a dd’emendare custa “grafia comuna”–ca est sballiadu meda a dd’aer tzerriada “Limba Sarda Comuna”– pro dare soddisfatzione puru a is sardos de cabu de jossu.

Ma a boller custas cosas non est a esser contras a sa LSC.

Si is “Campadanesos”, a su postu de mi lassare a solu in custa cosa–e de mi sfuter nende ca “tanti non dd’imperat nemos”–si fint postos a domandare issos puru custos emendamentos, immoe sa cosa iat esser già fata.

Ma si sunt postos in mesu conflitos personales e sa gherra a sa LSC est semper stada una gherra personale.

Immoe a issos puru ddis tocat a sceberare: o sighint in custa gherra maca, inue perdemus totus, o si ponent a trabballare pro “meridionalizare” sa LSC e pro dda furriare a ‘Grafia Sarda Comuna”.

Ddoe at gente–amiga e nimiga de sa LSC–ki si creet ca custa est sa LSU, unu pagu cambiada.

Ma non est de aici.

Sa LSC est una manera de scrier su lessicu de totu su sardu.

E si unu stontonadu si creet de poder narrer a totus is Sardos cales sunt is faeddos “giustos”, tocat a ddu lassare pro su ki est: unu stontonadu.

Nadu custu, is ki fintzas a immoe si sunt postos contras a sa LSC dd’ant fatu pro motivos sballiados o in manera sballiada.

Intra de is ki sunt contras sa LSC bi nd’at medas ki non bolent ki su sardu siat regonnotu pro su ki est: una limba unitaria.

Custos bolent lassados a perder, isolados.

Ma kie est contras a sa LSC, proita est comente est immoe, depet ischire ki ddoe at totu su logu pro dd’ammegiorare.

Est ora de si torrare a ponner a trabballare impare.

Est ora de dd’acabbare cun custa gherra maca.

6 Comments to “Deo e sa LSC”

  1. Robertu caru, a sa fini ti ndi ses accattau tui puru! Nci nd’est boffiu de tempus!!!!
    Deu custas cosas ti ddas appu nadas meda bortas, perou tui m’as scatenau una gherrixedda de is tuas. Immoi puru ses unu pagu….. evanescente! Nara innoi, craru craru, una a una, is chi funt is propostas de ammellioramentu de sa LSC, deu ndi potzu proponni attras e faeus un’arrexonamentu cun attrus chi creint in sa unidadi de sa lingua sarda. E no fatzas finta de no connosci ca s’ortografia est parti de sa lingua e tottu. Chi tui proponis un’ortografia chi no arrespetat totu e duas is variedadis principalis non andas a nisciunu logu. Bolis arrespettai s’etimologia? Est una proposta, no est s’unica, ma ca dda bolis umperai, ddas depis umperai sempri: beni, intzandus deppeus scriri aqua e no abba, scola e no iscola, filgiu (a sa Jerzesa) e no figgiu, celu e no chelu o kelu, ddu e ddi e no lu e li, a s’umperu de s’artuculu plurali ddi deppeus ponni arregulas certas, e aicci e tottu cun su congiuntivu imperfettu (chi bandat studiau beni de is grammaticus ca est complicadeddu). Deu, po su pagu chi potzu fai ca no seu professori, seu innoi a dispositzioni, ma no torrist a pigau po culu o a fai comenti Don Chiscotti e is mulinus suus.
    Cun stima e deferentzia manna.
    Mauro

  2. uahuahuahuah sei divertente!!! Tenis arrexoni: cosa sono le nostre vite di fronte al fluire del tempo? Il sardo esiste da 2250 anni, no at a morri cras !!! Bis? Ses torrendi a pigau po culu: deu no seu impressiu, pensu a una strategia, tui a una tattica. Po fai ita no si cumprendit: mercanteggiare con Corraine? Labai ca is brabaraxinus funt tosturrudus meda, po nai un eufemismu…. Con Corraine e amighixeddus non si tratta, non si può trattare, è intimamente convinto della superiorità della razza montagnina, come il giovane Wagner. E come molti altri imbecilli!

  3. Buona fortuna allora: chi nci arrennescis, Deus ti ddu paghit !!! Ma tenis coffa, ca deu seu astemiu (po necessidadi)!

  4. Ciao. Ho capito. Grazie della risposta.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: