E Stevini Cherchi pretzisat

Caru Professori, ddi pedu sa garbosidadi de pubricai una “rettifica” a una cosa chi at scritu, chi no arrespundit a beridadi.

“Ovviamente, quando si è trattato di presidiare il Consiglio Regionale, o trattare a muso duro con l’Assessore, Oreste Pili, Perdu Perra, Ivo Murgia, Amos Cardia, Giampaolo Pisu, Stefano Cherchi non erano rintracciabili.
Però su dinai candu arribbat gei ddis praxit….
E la Regione l’ha distribuito a tutti, anche a loro.
Pero issus faint sempri custa gherra contra a su movimentu linguisticu….unu machiori”

Deu, gràtzias a Deus, tèngiu unu traballu miu (comenti fustei sciit seu dotori de mexinas), duncas no apu mai tentu tempus (e nimancu abisòngiu, po bona sorti) de traballai cun sa lìngua ni de andai a presidiai su Consillu Regionali o de certai cun s’Assessori.
Po cussu depit essi craru ca NO APU MAI ARRICIU UNU FRANCU de sa Regioni Sarda e NO ND’APU MAI NIMANCU PEDIU.
Po su chi spetat a “sa gherra contra a su movimentu linguìsticu”, is chi mi connoscint sciint beni meda ca est cosa chi est atesu meda de is pensus mius e su pagu chi circu de fai, in su pagu tempus lìberu e po su prus finsas paghendi de busciaca mia, est PO su sardu, NO CONTRAS. Tzertu no totus de su movimentu podeus tenni is pròpius ideas asuba de is interbentus de fai, ma custu si narat democratzia.

Saludus
Stèvini (Stefano) Cherchi

Ma su dinai ge est arribbau fintzas a is comunus chi non imperant sa LSC!

Robbertu Bolognesi

2 Comments to “E Stevini Cherchi pretzisat”

  1. Caro dottor Cherchi,

    gratzias de is fueddus suos. Pesso chi in custu momentu siat de importu mannu chi is sardus trballant in paris e chi s’intendit chi nemos est “contras” a sa lingua sarda, puru candu totus no podint tenni su matessi parri. A mei no est mai praxidu chi is LSC’istas narrant chi una persona chi no est cun sa LSC est “unu nimigu de sa lingua sarda”… est legiu poita, comente scriet de manera crara fustei, cada unu tennit su deretu de pensai de atera manera.

    B’at puru unu ateru problema mannu… un’atera cosixedda chi no mi praxit de is LSC’istas. Po issus LSC = Lingua Sarda, candu no est de aici. Sa LSC est e abarrat una propusta de standard e nudda in prus. Su fueddu “Comuna” est isballiau poita no est “Comuna” a sa majoridadi de su populu sardu.

    Custu no bollit nimancu nai chi deu so cun is Arregulas. No mi praxit s’idea de fai una standardisadura de sa lingua sarda cun duas normas e tengiu custa opinione poita apu pigau un atera bia in is pessamentus mios e pesso chi deu tengiu su propriu deretu chi tennint is aterus. Su sardu no est sa lingua mia de bartzolu peroe apu biu medas problemas in aterus logus in su mundu, innue tennint duas o tres normas…

    E Robertu, cun totu s’arrespetu chi tengiu po tui…. e so sighinde su blog cosa tua dae annus. Fintzas a imoi no apu cumprendiu ita bollis? Ses semper a difendiri sa LSC candu tui ddu scis chi no andat beni comenti est… e po genti meda de su jossu de sa Sardinnia (e no sceti po custa genti… puru in carchi bidda de su susu) no andat beni. No apu cumprendiu poita no sighis a segai is patatas a is aterus a dda cambiai in mellus sa LSC.

    Insandus, primu si depit fai intrai sa lingua sarda in is scolas e no est de importu cali standard s’impreat… puru candu donnia bidda picat un’atera propusta de standard podit essi unu ajudu… e pustis si podit semper biri comenti at a andai… e mudai is cosas.

    Est una cosa chi deu no apu mai intendiu de is Indipendentistas peroe est sa matessi cosa chi tocat a fai cun sa lingua sarda.

    Is indipendentistas depint fai primu s’indipendentzia in paris… e apustisi podint sighiri a certai is cosas minoreddas. bho…

    Tenide-bos contu

  2. e tzertu, no est de importu pro s’iscola a seberare un istandard. ite mègius cosa?? sos piseddos andant a iscola e bident totu su materiale didaticu sardu fatu a fotocòpias, e in betzes su de sas àteras limbas lu bident ispreosu, coloradu: e NORMALE, su chi non si diat pòdere fàghere sena un istandard.
    seis cumbintos chi chie impitat sa LSC o sos LSCISTAS chi montovades, no ischit chi sa LSC est una grafia una manera de iscrìere. e comente paret chi si perdat carchi cosa in bassu, finas in CABUESUSU, paret si perdat carchi cosa. e tando ite faghimus?? chie est contra a s’Istandard at seberadu su suo S’ITALIANU.
    Saludos
    Jorgi Rusta
    ps b’aiat una faddina de importu mannu.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: