Corrudos e cullionados

025-2

Anca fit su sardu “sa limba de su famene”.

Disoccupazione giovanile, triste record della Sardegna – Regione

Sa gioventude sarda at perdidu sa limba e non at agatadu su trabballu.

Immoe non faeddant in sardu–o a su mancu ddu faeddant pagu–e non faeddant ne-mancu s’italianu.

Faeddant “Italiano Regionale di Sardegna”.

E sa scola ddus scrogorigat.

Sa Sardinnia tenet su record de sa disocupatzione giovanile e de sa dispersione scolastica.

Est craru ki custas cosas andant impari.

E andant impari cun s’alienatzione linguistica.

Epuru non b’at unu studiu ki siat unu ki apat analizadu custa relata.

In Sardinnia no e ne-mancu in Italia.

Tabù.

Epuru est craru: si sa limba ki faeddat unu giovanu non est sa limba ki bolet sa scola–s’italianu standard–custu giovanu at a andare male a scola.

Su 36% de is giovanus sardus non cumprendet unu testu in italianu (standard), mancari simple.

Ant imparadu su ki is babbos e mamas issoro si creíant ki fessit italianu e si creent issos puru ki cussu siat italianu.

Ma non es berus: est un’ammisturu ki is linguistas de is universidades italianas de Sardinnia tzerrinat “italianu”, pro faxer creer ca is Sardos immoe faeddant totus italianu.

Ma est una faula.

Unu giovanu sardu de oe non faeddat nen in sardu nen in italianu.

E custu ddu narat sa scola, scrocorighende-ddu.

E si unu giovanu lassat sa scola kentza de diploma est prus malu meda a agatare trabballu.

A su ki isco deo, deo so s’unicu ki biet custa relata e nde faeddat.

Non nde faeddant is linguistas de is universidades italianas de Sardinnia.

E non nde faeddant is linguistas de is áteras universidades italianas.

Non nde faeddant is partidos “sardos” de Sardinnia.

E non nde faeddant is partidos italianos de Sardinnia: figurade-bosi!

Ma sa curpa, a parrer de sa Nuova Sardegna, est de su mercadu de su trabballu: “La trasformazione del mercato del lavoro ha portato ai sardi una condizione di «invisibilità».”

E tando non est ca tenimus una classe dirigente de merda, ca tropu giovanos sunt alienados linguisticamente e non acabbant sa scola, ca ischimus tropu pagu de sa storia e de sa curtura nostras e duncas ca is Sardos cumprendent pagu sa realidade sarda.

No, est curpa de su mercadu de su trabballu!

Sa curpa depet esser de is Tzinesos…

“La Sardegna, nonostante abbia sempre avuto tassi di disoccupazione molto alti, vive una crisi senza precedenti.”

E non fit pro agatare trabballu ki nos’ant contadu ki fit megius a faeddare in italianu?

E ita ddis sutzedit a is ki s’italianu dd’ant imparadu bene?

“In pratica, come denunciano Cgil-Cisl e Uil, è ripresa da qualche anno l’emigrazione; non più la partenza di ragazzi con la valigia di cartone ma di persone che, presa la laurea, cercano lavoro magari in Francia o in Inghilterra: «Il paradosso è che questa è la generazione più acculturata di sempre»”.

Corrudos e cullionados, tando.

Custu est su ki is Sardos nd’ant tentu de sa colonizatzione curturale dae cussu logu de merda ki tzerriant Italia.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: