Is rexones pro sceberare s’imparu de su sardu in sa scola

360-2

Proita unu babbu o una mamma sardos iant a deper sceberare de imparare su sardu su fillu?

Cussos ki bolent cumbincher a is babbos e mammas sardos a faxer custu sceberu depent tenner is ideas craras asubra de custa kistione.

Sa prima cosa de importu ki balet pro totu is situatziones sardas est su bilinguismu e is benefitzios ki nde tenet unu pipiu.

Duncas, is amigos ki bolent agiudare tocat ki s’informent a subra de cust’argumentu: Un cervello, due lingue: vantaggi linguistici e cognitivi del

Cust’articulu est de Antonella Sorace, ma sa retza est prena de áteros interventos puru.

E is ki ischint s’inglesu podent bisitare fintzas custu situ: Bilingualism Matters

S’áteru vantagiu mannu ki benit dae s’imparu de su sardu in sa scola est su fatu ki, cando su materiale didaticu at a esser prontu e cando is maistros ant a esser formados, imparende su sardu su pipiu imparat puru a ddu distinguer dae s’italianu.

Nosi depimus ammentare–e ddu depimus faxer cumprender a is babbos e mammas–ki s’italianu ki faeddat sa prus parte de is Sardos est italianu sceti pro manera de narrer.

S’italianu regionale nostru tenet unu muntone de elementos grammaticales ki nde benint deretos dae su sardu.

Non isco a ita puntu sunt is maistros sardos e non  isco si in su cursu de FILS ki ant fatu ocannu passadu nd’ant faeddadu, ma su ki serbit in totu is scolas est s’imparu cuntrastivu e parallelu de sardu e italianu.

E custu balet siat pro is situatziones inue su sardu ddu faeddant ancora meda, siat pro is situatziones inue sa gente faeddat casi sceti in “italianu”.

Comente nos a mostradu sa chirca sotziulinguistica, in is biddas prus piticas sa gente manna su sardu ddu faeddat ancora, mancari non cun is pipios.

Custu bolet narrer ki unu pipiu est esponnidu a su sardu faeddadu dae is mannos intra de issos e ki si podet formare una cumpetentzia passiva de sa limba.

In sa chirca sotziulinguistica, bidimus puru ki a sa fine de sa scola media is pitzokeddos ki tenent una cumpetentzia ativa de su sardu (is ki ddu faeddant) sunt casi su propriu tantu de is mannos.

Unu iat a poder pensare ki tando a imparare su sardu in sa scola non serbit, ca tantu dd’imparant su matessi e cussu tempus is pipios ddu podent imperare pro áteras materias.

Su fatu est ki non ischimus comente est su sardu de is pitzokeddos.

A su ki apo intesu narrer dae carki persone, sa situatzione est posta male, siat comente e grammatica, siat pro su ki pertocat su lessicu e sa cumpetentzia pragmatica (s’imperu educadu de sa limba).

Ma est craru ki nemos fintzas a immoe custa cosa dd’at studiada: is universidades italianas de Sardinnia tenent áteru ita faxer: etimologías, pro esempru.

Duncas, su fatu est ki non ischimus casi nudda de sa cumpetentzia in sardu de sa gioventude.

Sende ki sa gioventude–e prus ke a totu is pitzinnas–interatzione linguistica cun sa gente manna pagu e nudda nde tenent (castiade-bosi torra sa chirca sotziulinguistica) mi benit male a creer ki su sardu faeddadu dae is giovanos intra de issos e totu siat curretu.

Fatzile ki custos giovanos faeddent sardu ammesturadu cun italianu e italianu ammesturadu cun sardu.

E tando su sardu in sa scola a is pitzocos de is biddas ddis serbit pro ponner a postu sa limba ki medas bortas ant imparadu sceti in sa ruga e pro imparare a evitare is formas sardas cando faeddant in italianu.

Ma torro a narrer: NEMOS CUSTA COSA DD’AT STUDIADA!

In Sardinnia b’est sa “dispersione scolastica” a su dopiu de sa media italiana, ma nemos est andadu a bier si custa tragedia est collegada a sa limba faeddada dae sa gioventude: Quanto vale il futuro dei giovani sardi? | Bolognesu: in sardu

Is unicos studios sunt ancora is de Maria Teresa Pinna Catte e de Elisa Spanu Nivola e sunt fatos in is annos ’80.

Ma comente est sa situatzione in is tzitades sardas?

Elisa Spanu Nivola iat denuntziadu ki sa situatzione a giru de Casteddu fit peus de sa de is biddas, mancari inie sa gente su sardu ddu faeddet semper prus pagu.

E oe-in-die comente est?

“E ancora se Olbia si deve vantare di non essere più quest’anno la prima città d’Italia per abbandono scolastico, mentre la Sardegna si mantiene ai vertici assoluti in Italia per dispersione scolastica (Cagliari ad esempio ha una percentuale del 23,6% nel 2008, anno degli ultimi dati disponibili, mentre qui interessanti cartine, del 2006/2007 e del 2008 da coronadelogu.com)..

Non stupiamoci se poi l’ISTAT ci informa che la Sardegna è regione d’Italia con il più alto tasso di disoccupazione fra i giovani con una percentuale del 44%. Ci sono giovani che stanno in casa fino ad oltre i 30 anni senza alcuna esperienza nel campo lavorativo. Le province di Sassari, Cagliari e Medio Campidano sono rispettivamente prima, terza e quarta in Italia per disoccupazione giovanile (fonte Istat, ma visto su Ichnusa Sardegna, sull’occupazione in Sardegna leggi anche Congiuntura lavoro Sardegna). (Sardegna: Maturità e dispersione scolastica, disoccupazione )

Duncas custas est sa situatzione de Casteddu (e de Olbia), mancari in Casteddu de sardu si nd’intendat pagu.

Cale italianu faeddat sa gioventude de Casteddu (e de Olbia)?

Fatzile ki siat s’italianu regionale.

Antzis, siguru ki est s’italianu regionale.

E siguru ki sa “dispersione scolastica” dipendet meda dae custu.

A ita ddis serbit tando a imparare su sardu?

Su sardu, custrastadu cun s’italianu, ddis serbit fintzas pro imparare megius s’italianu standard.

Sa gioventude “urbana” si depet furriare dae monolingue in cuss’ammesturu tra sardu e italianu a bilingue in sardu-sardu e italianu-italianu.

Su de tres argumentos de importu mannu est ki sa limba est sa janna pro intrare in sa curtura sarda e pro arribbare a tenner un’identidade ekilibrada.

Unu sardu ki non connoschet sa realtade ki tenet a giru non podet tenner un’identidade sana.

Comente iat denuntziadu Elisa Spanu Nivola medas annos faxet.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: