Imbuto e il sardo come ricino?

084

Gianni m’at scritu custu cummentu:

iscusami Roberto, ma deo pesso ki es su modu tuo de pessare ki es galu italianu.
comente ses bidende ti iskrio in sardu e pesso in sardu e non solu.
Ses tue ki ses serrau ka ses sempere arrennegau e non bides kraru su problema ki custa terra ata intrinsicu.
Intrinsicu a s’istoria de Sardinna, nessi nessi, abarrande istrintos, de su tempus italianizante.
Deo matessi apo problemas de mancantzia de paragulas sardas ka sa vida de donzi die nos juket a essere in donzi parte, e meda bortas s’isseperat de istare inue si at sa libertade.
Sa libertade e s’amistade sun duos fundamentos de su pessare in sardu, in sardu artu, e sun fundamentales po fraikare sa Republica Sarda.
Su non cumprendere su manifestu limbisticu de ProgReS es solu dae sa serradura ki ti ses postu in conca, ka donzi borta paret ki tue argumentas po difendere su pessamentu tuo e kie no lu faket e isseperat de traballare politicamente in atera manera, bi ses tue, ki sa logica tua subra sa ateras, a los pistare, metodu meda educativu de fakes kreskere kussentzias, si tue pessa de tennere sa cussentzia a postu, siki gai.
Deo kerjo una cussentzia cumpressiva e propositiva e no arrogante in sa Republica Sarda.
Roberto, tue no daes tempus a sos zovanes ki mustran interesse e ki cumintzan a cumprendere poite lu fakene, de kreskere.
Imbuto e il sardo come ricino?
Ajó!,

Sempere cun istima, Gianni

Gianni stimadu, cussa frasia tua urtima est sa crae pro cumprender su tretu mannu ki nosi separat: Imbuto e il sardo come ricino?

Su ki pro me e sa generatzione mia est unu deretu–unu deretu colletivu–ki balet sa pena de bi peleare e bi sacrificare cara, carriera e dinari est pro tue e (forsis)  pro sa generatzione tua un’atentadu–prus o mancu fascista–a su deretu bostru individuale de abarrare inniorantes.

Deo dd’apo già cumpresu dae cust’istade ki a faeddare cun bosáteros de Progres non serbit a nudda.

Dirigentes bostros ant teorizadu su deretu a s’inniorantzia e a su monolinguismu in italianu: bonu proe bosi fatzat!

Pro bosáteros unu sardu ki non connoschet su sardu (o tabbarkinu, tataresu–gadduresu, aligheresu) balet cantu unu sardu ki connoschet sa limba, sa curtura e sa storia de sa terra sua.

Ma pensadu mai b’azis  a su fatu ki in donni paisu tzivile b’est s’istrutzione obbligatoria?

E bosáteros teorizades su deretu a ischire prus pagu, a non connoscher su sardu.

Bolimus cosas diferentes meda, est craru.

A me sa repubbrichedda italiana e individualista de Sardinnia non mi interessat.

Deo bogio esser Sardu impari a is áteros Sardos e sa cosa ki, prus de totu, nosi faxet Sardos est sa limba.

Duncas su discursu miu non fit una critica pro bosi faxer cambiare idea. Su ki naro deo est ki bosáteros non tenides pesu eletorale, ki non contades.

Deo apo sceti fatu una constatatzione: sezis marginales in sa sotziedade sarda.

Cussu a sa limba e a s’identidade sunt deretos colletivos, ma bosáteros pensades sceti a is deretos individuales.

Sezis figios de s’individualismu e de s’economicismu neolibberale, ma non sezis solos.

Infatis non b’est unu partideddu sardu ki est unu ki contet eletoralmente.

Sighides totu s’alienatzione de sa gente-acallonada dae sa scola, sa televisione e dae su stadu italianu–e non proponides a custa gente de si furriare a populu, a natzione.

E tando, proita custos Sardos individualizados, italianizados, callonizados, iant a deper votare unu partideddu sardu ki ddis narat ca a esser individualizados, italianizados, callonizados, est unu deretu issoro?

E bosi votant?

NO!

E tando ita mi ses chirchende?

S’imbudu già dd’ischis inue ti ddu depes ponner…

One Comment to “Imbuto e il sardo come ricino?”

  1. Apo cumpresu tenes resone tue e tando mantenetila.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: