Abetende a Godot

038

“L’Istat dice che sono trecentomila i sardi che stanno attraversando una crisi senza precedenti.
[…]  Ci sono cose a cui noi sardi non possiamo porre rimedio per difetto di sovranità.” (Trecentomila sardi in serie difficoltà economiche)

Maninchedda tenet rexone, ma ne-mancu custa borta nosi contat de inue nde benit custu “difetto di sovranità”.

Sa gana de indipendentzia, su disigiu de soberanía, non arribbant solu dae su bisongiu materiale, ma is economitzistas non ddu cumprendent.

S’economitzismu est a beru una maladía mentale.

In custa situatzione de pobiresa materiale semper prus manna, is Sardos ant sceberadu de votare a Grillo pro mandare unu sinnale de protesta a s’Italia.

Is Sardos ant votadu ke Italianos.

Lassendu puru a una parte is sballios fatos dae is migia partideddos sardos, su sballiu mannu fatu dae totus est su de non aer trabballadu pro stantargiare una curtura de s’indipendentzia.

Non bastat su famine pro furriare un’omine a “revolutzionariu”: bi bolet puru un’identidade.

Grillo est renescidu a donare un’identidade a unu cuartu de is Italianos.

Is partideddos sardos non b’ant ne-mancu provadu.

Is cosas malas e beras ki at nadu Grillo de s’Italia, ddas podíant narrer is partideddos sardos puru, ma non dd’ant fatu.

Sunt superiores, issos!

Non apo mai leghidu una denuntzia de su pudesciore italianu.

Non apo mai intesu narrer ca custos partideddos sunt contras a s’Italia: “Semus a favore…non contras.”

Una minca de molente!

Deo so contras a su fascismu, a su natzismu e contras puru a s’Italia e mi nde banto!

Comente ki a denuntziare su puresciore de unu de is paisos prus pudeschidos de su mundu fessit cosa pro “leghistas”.

Grillo custas denuntzias dd’as at fatas e si nd’at pigadu is votos

E est giustu ki siat de aici.

Is votatziones regionales benidoras ant a esser totu in su sinnu de Grillo.

Su PD dd’at a currer infatu.

Berlusconi aici e totu.

De Sardinnia nd’ant a faeddare pagu.

Is partideddos sardos ant a sighire a camminare partzidos e fende-si sa furca s’unu cun s’áteru e–comente-ki-siat–in un’annu non ant a tenner sa fortza de cambiare sa curtura issoro.

Ant a faeddare de indipendentzia e de soberanía a is pagos ki sunt già de acordiu, ma non ant a arribbare a sa majoría de is Sardos.

Totus ant a faeddare de economía e s’economía at andare peus ancora de su ki est.

Insomma, a pustis de Capellacci, is Sardos ant a fuliare áteros 5 annos.

Mi paret ki mi fatzo para, para chircante.

Non de tengio prus gana de abetare a Godot.

2 Comments to “Abetende a Godot”

  1. O Robè, a mi da postas custa manna de Deus in sa pagina cosa mia de facebook?

  2. Su malu est po is arriccus. Is poberus, si ischidi, ant fattu iscola de vida po si dda gherrare.

    “L’Istat dice che sono trecentomila i sardi che stanno attraversando una crisi senza precedenti.”

    Sa beridadi est ca funtis in “crisi” po su pensamentu de su chi arrischiant de perdi is arriccus. Poberus arriccus …….te lastima ……..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: