Sardinnia kentza de sardu

643

In Sa limba de su famine? S’italianu! apo analizadu sa sa relata intra de limba e economía e apo chircadu de mi pensare una Sardinnia inue su sardu fessit limba normale.

Pro ischire comente est una Sardinnia kentza de sardu non b’at bisongiu de immaginatzione, bastat a essire in sa ruga e a ascurtare: si ses caminende in unu logu prus mannu de unos 10.000 abitantes, fatzile ki gires totu sa die e ki de sardu non nde intendas nudda.

E custa est sa Sardinnia ki nosi at lassadu sa classe dirigente sardinniola.

Anca sa Sardinnia, faeddende in italianu, depíat esser rica in dinari e curtura, multilingue, aberta a is áteras curturas, moderna e dinamica.

Ddoe est famine a tirare a marra e inniorantzia a carros: su record de sa gioventude ki non studiat e non trabballat.

Epuru una parte pitica de is Sardos sa parte sua dd’at fata.

Unos cantos intelletuales at trabballadu–e prus ke a totu a gratis–pro nde bogare su sardu dae su ghetu de sa diglossía.

Immoe faxet a faeddare de totu in sardu: su sardu est una limba normale.

Immoe est bessidu fintzas unu film mannu totu in sardu:Anche i sardi hanno ucciso Gesù. Lo sconcertante e potente “Su Re” di Giovanni Columbu

Is ki non sunt fende sa parte issoro sunt is Sardos “normales”.

Is ki sunt ochende su sardu sunt is sardos “normales”.

Si su sardu si nc’est morende est ca is Sardos “normales” sceberant de faeddare in italianu.

E custu non ddu podet cambiare una lege.

Su ki ddu podet cambiare est s’esempru de Sardos “abnormales” ki si de frigant de sa regula sotziulinguistica ki proibischet de imperare su sardu cun sa gente disconnota.

Si is indipendentistas, pro narrer una truma de persones chi si creent de esser avanguardia, incumentzaíant a faeddare in sardu cun totus, in pagu tempus iat a esser normale a intender ki calincunu ti faeddat in sardu in sa ruga.

Si intelletuales connotos iant a faxer sa propriu cosa in televisione on aterue, custu puru iat a tenner s’efetu suo.

Si is ki leghent custu blog dd’iant a faxer, in prus pagu de un’annu donni Sardu iat a ischire ki ddoe gente ki non tenet birgungia de faeddare in sardu cun sa gente disconnota.

Ma custa est una responsabbilidade ki passat a intro de donniunu de noso.

Non faxet a dda delegare a is áteros.

Is Sardos sunt sceberende su monolinguismu in italianu porcheddinu.

Sa Sardinia kentza de sardu esistit già e est unu logu famidu e inniorante.

Pro dda cambiare tocat ki donniunu de noso si leet sa responsabbilidade sua.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: