E immoe su Partidu Natzionale Sardu

819

Su PD s’est scagiadu.

“La maionese è impazzita” at scritu calincunu.

E non at a torrare a si cuncordare: una parte de is parlamentarios at a votare cun Berlusconi e s’atera at a votare cun Grillo.

Su PD non esistit prus e custu bolet narrer ki in Sardinnia puru totu est in discussione: Pd, il disastro romano travolgerà anche l’isola. Ecco perché bisogna fare subito il “Partito dei Sardi”

Immoe su discursu de “Tocat a votare PD pro non nche fuliare su votu” non balet prus.

E in FB apo bidu decraratziones de amigos de s’area de su PD e fintzas de amministradores pro contu de custu partidu, faeddende in manera crara e aberta de faxer unu partidu progressista sardu.

Deo. mancari de manca, bido megius un Partidu Natzionale Sardu, unu partidu interclassista.

In custu momentu nosi serbint is fortzas de totus is Sardos, non sceti de sa manca.

Sa discriminante non podet esser sa intra de dereta e manca, ma sa intra de Sardos e sardinniolos.

Apo bidu puru ki calincunu s’est postu deretu a discriminare a kie–Maninchedda–faeddat de “Partito dei Sardi”,  ma at acotzadu sa giunta de Cappellacci.

A custu tocat de ddi respunder: “Chi è senza peccato scagli la prima pietra!”

Maninchedda dae Cappellacci si nd’est stesiadu “in tempi non sospetti” e fintzas a inue ddu podíat faxer, abarrende in su partidu suo.

A me su ki mi praxet de Maninchedda est propriu cussu “interclassismo”: issu est bonu a faeddare a cussos Sardos ki sunt Sardos, mancari non siant de manca.

Tzertu ca non so de acordiu cun issu cando narat ki “manca e dereta non esistint”.

Manca e dereta sunt fisiologicas e espressiones de divisiones sotziales ki forsis non faxet a superare, ma ki produsent interessios diferentes.

Custos interessios bolent representados politicamente, ma in custu momentu su ki a is Sardos ddis serbit de prus est s’unidade natzionale.

E tando su ki propriu non mi andat bene de Maninchedda est ca issu scriet sceti in italianu.

Si bolet a ddu leare seriamente, est ora ki issu puru si pongiat a scrier in sardu.

Insomma, deo dda bido meda ke a URN Sardinnya: nosi serbit unu partidu reformista ki portet a innantis is interessios de sa natzione sarda.

Custu partidu podet tenner un’anima prus libberale e un’átera prus sotzialista, ma in custu momento depet trabballare pro totu sa Sardinnia.

E immoe tocat a si ponner a trabballare a beru.

Su ki nosi serbit de prus est un’identidade sarda crara e forte.

Non est su bisongiu ki portat s’omine a boller cambiare su mundu, ma sa cuscientzia de ddu poder cambiare, impare a áteros ke a issu.

E su ki nosi mancat oe, a noso Sardos, est custu “impare”, custa cuscientzia de non esser solos.

Kentza de custa identidade sarda, is frutos de s’implosione de su PD si ddos at a pigare Grillo.

E Grillo pro noso podet faxer pagu e nudda: Italianu est e Italianu at a abarrare.

3 Responses to “E immoe su Partidu Natzionale Sardu”

  1. Isperamos de poder tennere su partidu natzionale intre pagu tempus , ca semos cansadus de dilatare unu benidore diferente pro s-isula nostra in cue no semos protagonistas .

  2. a bellu a bellu s’incuminza a cumprendi in kali direzioni depeusu andai tottus impari po non faghede morrere sa speranza.
    salude a tie bobo.

Trackbacks

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: