Ora de nche fuliare a mare su massimalismu

330-2

S’indipendéntzia de su stadu PODET PORTARE a s’indipendéntzia de sa natzione, ma non est sa propriu cosa e non est ne-mancu una garantzía.

S’indipendentzia de sa natzione est sa garantzia de arribbare a s’indipendéntzia de su stadu, si sa situatzione ti cunstringhet a faxer custu sceberu.

Pro arribbare a s’indipendentzia de su stadu, bastat a sostituire una burocratzía statale cun un’átera, ma comente faxes a b’arribbare in manera democratica e non violenta?

Tocat a passare a marolla dae s’indipendéntzia curturale e psicologica de sa majoría de is Sardos.

Pro arribbare a s’indipendentzia de sa natzione tocat a imbistire donni die in sa curtura natzionale, in s’indipendéntzia curturale e psicologica de te e totu e de sa gente ki tenes a su costadu.

Indipendentistas, tando, sunt totus is ki peleant pro sa defensa de s’ambiente, is feminas ki peleant pro sa paridade e s’indipendéntzia issoro, is omosessuales ki peleant pro is deretos issoro, is disocupados ki non si bolent piegare a su clientelismu, is trabballadores ki faxent su doveriu issoro e bolent is deretos issoro rispetados e indipendentistas sunt totu is Sardos ki imperant sa limba nostra, in su faeddu e in sa scritura.

Totu custa gente est peleende e trabballende pro s’indipendentzia de sa natzione sarda.

Indipendentistas sunt totus is ki sunt trabballende pro furriare is Sardos dae “gente” a “populu”, a natzione.

Custa initziativa puru, sinnalada dae Vito Biolchini, est una de is cosas ki nosi podet faxer acostare a s’indipendentzia: Verso le elezioni regionali! A Cagliari prima uscita per Sardegna 2050 mentre rinasce il Centro di Iniziativa Democratica

Is ki dda cundennant sunt is solitos: is tontos ki si creent is meres de s’indipendéntzia.

Is tontos ki tenent su copyright de su zero-virgola%.

B’at medas bias ki podent portare a s’indipendentzia de sa natzione sarda e bolent provadas totus.

Una cosa est sigura: sa Repubblichedda Italiana de Sardinnia e s’indipendentzia natzionale non sunt sa matessi cosa.

S’indipendentzia non tenet meres e de siguru non custos bator massimalistas.

One Comment to “Ora de nche fuliare a mare su massimalismu”

  1. una pitica cosa ….su giassu de internet est feti in italianu …custa “associazione” pro ita custu est at a incentivare de aberus su bilinguismu ? deo ddu bollu crei

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: