Contras a s’ecofobia, sa timoria de is Europeos studiados pro sa cosa issoro (2)

https://bolognesu.files.wordpress.com/2013/01/768.jpg

https://bolognesu.wordpress.com/2013/09/15/contras-a-secofobia-sa-timoria-de-is-europeos-studiados-pro-sa-cosa-issoro/

Non est casi cosa de non creer ki calincunu potzat reagire de aici? Una reatzione de aici a su ki t’est sutzessu est inadeguada, ridicula e non b’intrat nudda.

Epuru custa est propriu sa reatzione ki annos e annos s’est intesa cando calincunu si nde pesadu a defender sa curtura natzionale, su connotu e is usos de sa terra issoro.

Proita, a s’Olanda non dda sunt arroguende comente e sa domu e totu de su contu? Passende de is fronteras abertas nch’intrant donni annu prus o mancu su propriu tantu de immigrantes de is ki sunt is abitantes de Haarlem: unos chentu-chimbantamigia. E donni annu torra. Cun su traficu libberu de is persones dae sa Romanía e dae sa Bulgaría, incumenzende dae su gennargiu 2014, su tantu de is immigrantes at crescher de prus puru.

Is immigrantes nde portant is usos e is cumportamentos issoro. Ponende a una parte cale-ki-siat giuditziu a subra de custos usos e cumportamentos, s’arribbu de custa massa de immigrantes trumbullat—propriu comente is ospites ki si nch’intrant a biver in domo tua—su sentidu originariu de essere “in domo”.

Su modernismu in s’architetura e in s’”arte” pubblica afortiat cussu sentidu de strangiadura (‘straniamento”). Palatzios kentza de “facciata”e kentza de mesura umana, istallatziones kentza de sentidu e sculturas contzetuales strolicas ki destruent su sentidu nostru de esser “in domo” e aici medas de is tzitades de su continente nostru ant perdidu sa capatzidade issoro de ti faxer intender amparadu, cun cussos palatzios feos e “monumentos” ki imbrutant sa vista, afeant is pratzas e ingiurgiant s’armonía sotziale.

E in prus—comente in su contu de sa domu—amus perdidu casi totu su cuntrollu a pitzos de sa bida nostra. Custu nde benit non sceti dae s’espansione kentza de mesura de s’Unione Europea e de sa Corte Europea pro is Deretos de s’Omine, ma puru dae su Tribbunale Internatzionale e dae s’Organizatzione Mundiale de su Commertziu.

Provamus a nosi pensare ki sa coalitzione, ocannu passadu, aíat kerfidu faxer una tregua cun Gheddafi. Sa tregua non fiat serbída a nudda su propriu, ca su Tribbunale Internatzionale aíat già comunicadu ki bolíant incriminare a Gheddafi, in cale-ki-siat manera.

E a dd’ischistis ki già dae diora noso non podimus prus detzidere si, e cantu, sa petza ormonada depet esser ammissa in is mercados nostros? O ki non faxet a lassare su Stadu a agiudare un’industria aeronautica a incumentzare? O a detzider in manera crara ita bolet narrer morale pubblica, ke argumentu pro difender —pro narrer—su mercadu natzionale dae is impresas de internet?

S’Unione Europea, sa Corte Europea pro is Deretos de s’Omine, s´Organizatzione Mundiale de su Cummertziu, su Tribbunale Internatzionale–ddus depimus leare in cunsideru in sa totalidade issoro. E totas impari, in su mentres, custas istitutziones internatzionales regulant is bidas nostras casi in donni detalliu. Ke in su contu de sa domu, est dae diora ki non podimus prus detzider a solos su ki bolimus papare, comente nosi bolimus tratare cun is paisos allacanantes e su ki bolimus faxer cun su dinari nostru. Totus is detzisiones reales ddas leant in Strasburgu, in Brusselas, e in is áteros logos inue s’atobiant is funtzionarios e is burocrates postnatzionales.

Comente amus fatu a arribbare a custu puntu? Proita est ki is elites nostras nosi ant custrintos a biver in custu mundu ki non est “domo nostra”? Bi podet esser sceti una spiegatzione: proita ca issos tirriant a domo issoro.

(sighit)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: