Contras a s’ecofobia, sa timoria de is Europeos studiados pro sa cosa issoro (3: urtimu)

https://bolognesu.files.wordpress.com/2013/01/768.jpg?w=1024&h=626

1) https://bolognesu.wordpress.com/2013/09/15/contras-a-secofobia-sa-timoria-de-is-europeos-studiados-pro-sa-cosa-issoro/

2) https://bolognesu.wordpress.com/2013/09/15/contras-a-secofobia-sa-timoria-de-is-europeos-studiados-pro-sa-cosa-issoro-2/

3) urtima parte

 

Su de tirriare a domo tua est cosa normale pro is pitzocos. Issos si furriant contras a sa curtura issoro ke nimigos. A mangianu, smurzende, bideis sa cara arrenegada de figia bostra. A su momentu bostru de carma, in sa cadira acanta de sa fentana, si nche dd’ingurtit sa musica techno pistada dae su stereo de figiu bostru.

Tirriare domu tua e imprassare totu su chi ofendet custa domo: est una fase normale ki is pitzocos depent passare. Una fase ki diat deper passare.

–Ma, at scritu su filosofu inglesu Roger Scruton, in totu s’otzidente custu ategiamentu dd’at acabbada, dae sa segunda gherra mundiale, dominende a totus, e in manera spetziale a is elites intelletuales e politicas.

Multiculturalismu, modernismu in s’arte e su progetu europeu: ndi essint totu de innoxe.

Sunt is sintomus de una tirria maládia contras a domo tua. Manifestatziones de ecofobía: sa timoría pro sa cosa tua e totu. E propriu pro custu is elites nostras ddas defendent aici infogadas.

A su contrariu de sa majoría de is pitzocos, ki a pustis de una pariga de annos torrant in paxe cun domo issoro e imparant torra a dda stimare, s’Europeu “studiadu” est una metade de seculu ki non bolet áteru de cumbater, pigare a strumpas, ofender s’Oikos: is usos suos, sa natzione, sa bellesa e s’armonía de s’artee s’architetura traditzionales.

Is generatziones giovanas sunt is vitimas de custa manía de destrutzione. Babbus e mammas nostras non ant kerfidu leare peruna responsabbilidade pro domo nostra.

Non dd’ant kerfida amparare. Ant fatu de totu pro dda faxer prus debbile e pro si nde poder rier.

Ancora fissados a su momentu mannu issoro—su mesi de maju de su 1968—non ant kerfidu mai crescher e si lassant ancora insulare dae una timoría de pitzocos pro sa cosa issoro.

In donni logu bidimus su disraixinamentu ki est sighidu afatu de sa timoría issoro.

S’alienatzione impari a sa chirca disisperada d s’intimidade e de una mesura umana.

Incumentzende dae sa cumparta de is partidos populistas a sa popularidade enorme de is mercados de is massajos e de is produtos biologicos.

Dae su torrare a un’architetura a mesura umana a is initziativas de “crowdfunding”. Sa generatzione noa est in chirca de maneras pro amparare e afortiare su Oikos, ma custa provas ant a abarrare kentza de resurtados si sa sa politica non cambiat in manera drastica.

A nde leare sa domo a is pipios est una cosa mala. A nde “bogare de domo” politicamente e a sdorrobbare su spiritu de una generatzione intrea est unu delitu ki non faxet a perdonare. S’immigratzione de massa, sa leada de podere subranatzionale e su modernismu in s’arte: tocat a ddas firmare. Tocat a cumbater custas elites ki sfogant sa rebellía maca contras a s’Oikos a pitzos nostros. Tenimus bisongiu de una domo. Unu Oikos. Tenimus su deretu de nosi furriare e de amparare s’Oikos. Firmare s’ecofobía de sa generatzione de babbos nostros: custu est su credo de s’avanguardia noa.

One Comment to “Contras a s’ecofobia, sa timoria de is Europeos studiados pro sa cosa issoro (3: urtimu)”

  1. Po’ immi no c’intrat nudda su problema de s’imigratzioni cun su de su disraixinamentu (segunda parte) . Est una manera de castiai a su problema tipica de sa destra ratzista e demagòga, ki kerit giai s’impressioni ki su pobulu esti unidu candu imbetzis est atraversadu da unu muntoni de fraturas economicas, culturalis, etc…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: