Pistende abba: s’urtima polemica

032

Custa est s’urtima, proita ca si sa gente comperat Barilla o De Cecco, LSC o GSC, dipendet dae sa calidade de su produtu e non dae sa polemica intro de is duas industrias.

Su ki torrat a contu a sa gente est ki ddoe siat concurrentzia intro de produtos diferentes.

Cale at a essire su standard de su sardu?

Boh?

“Vinca il migliore!”

E si essint atras propostas, megius puru.

Sa cosa ki contat est ki non ddoe at prus su monopoliu a pitzos de sa grafía standard de su sardu.

Non est prus kistione de sceberare intro de sa dialetizatzione de su sardu–o fintzas peus: sa partzidura in duos– e sa LSC (bersione corrainesa), duncas LSU.

Su ki bogio narrer est ki sa Grafía Sarda Comuna non faet prus a dda tzerriare “emendamentos a sa LSC” pro motivos politicos, in su sensu peus de su faeddu “politica”.

Sa possibbilidade de sceberare esistíat già dae ora, ma deo non mi fia ancora detzididu a faer una campannia pubblitzitaria seria pro sa GSC.

Deo dd’apo semper nadu, dae Paulilatino, ki sa LSC bolíat ammigiorada e apo fatu sa proposta mia de dda emendare, non nde nche dda fuliare a muntonargiu.

Sa LSC est unu passu a innantis mannu-mannu.

Pro custu dd’apo semper difendida–mi faent rier is ki immoe mi nant traitore–ma apu puru semper nadu ki non fiat bona bastante pro dda leare a standard.

Como totu narant ki sa LSC est sceti una grafía, ma cando deo naramu ca totu su ki serbíat fiat una manera de scrier e non una limba standardizada a s’italiana, su mere mannu de su sardu–Diego Corraine–si nde poníat a rier.

E tocat puru a narrer una cosa crara: si sa LSC est stada atzetada est proita deo non dd’apo mai fata sa guerra.

Si deo puru mi femu postu contras, Corraine fiat abarrau a solu.

Totus is áteros de sa cummissione si funt arretirados a una manera o a s’atera: non bogio polemizare cun issos e non intro in sa kistione de prus de custu.

Deo aíat atzetadu sa LSC pro duos motivos: non fiat unu standard pro totus, ma sceti pro is documentos in essida de sa regione, e lassaíat su lessicu libberu.

E fiat aberta a cambiamentos!

Deo de Corraine non mi seo mai fidadu, ma si deo aía pesadu avolotu, sa LSC non fiat passada mai.

E cun sa LSC, s’idea e totu de unu sardu standard, de una grafía comuna, si nche fiat morta.

Cust’omindeddu de pagu–e is omineddos de pagu ki ddi ponent mente–custu non ddu pigant in cunsideru.

E est pro cussu ki sunt omineddos de pagu.

Como mi narant “traitore” e “irresponsabile”: o calloni tontu! La ca a mei mi contant totu!

Sa beridade est ki–kentza de me–Corraine fiat torra abarrau solu.

Mi ddu bido ancora in Paulilatino pistende-si is manos in manera esagerada cando deo apo mostradu ki lacana intro de “logudoresu” e “campidanesu” non nd’esistit.

Paríat una cane farsu, movende sa coa pro ti faer creer ca est bonu.

O forsis dd’at fatu pro si faer a bier dae Soru, ki fia setzidu a su costadu de issu.

Ma sa LSC non est mai stada sa megius solutzione e deo custu non dd’apo mai cuadu.

Sa LSC est semper stada una base bona pro partire, e custu puru non dd’apo mai cuadu.

In custos sete annos deo apo chircadu de faer cumprender ki faíat a dd’ammigiorare e duncas ki bolíat amigiorada.

Miga pro áteru: sa LSC comente dd’at aprovada sa cummissione–e duncas non comente dd’ant aplicada, ca cussu est peus meda!–est prus atesu dae su sardu ki faeddat sa prus parte de is sardos.

Si lassas sa pronuntzia libbera, sa LSC si furriat a grafía de totus is sardus.

Ma sa LSC non est stada progetada pro una pronuntzia libbera: pro cussu–e sceti pro cussu–bolet emendada.

E is omineddos de pagu o non dd’ant cumpresu o non dd’ant bofidu cumprender.

Ma non est sceti una kistione de non b’arribbare a cumprender is cosas.

Corraine s’est postu a furriare sa LSC a LSU e is omineddos de pagu dd’ant sighidu: lessicu cabesusesu cun solutziones macas, sceti pro non imperare formas curretas, ma de cabu de jossu: Ita ratza de pessonagiu

A me immoe mi narant ki bogio cambiare sa LSC, ma cando Corraine s’est postu a dda furriare a LSU ant aprovadu.

Non b’at nudda de male a boler cambiare is cosas: bastat a ddu narrer craru.

Una cosa est a faer propostas de cambiamentu e un’átera est a cambiare is cosas a scusi.

Sa limba est de totus, non de Corraine o de is omineddos de pagu ki ddu ponent mente.

Sa LSC est una proposta de standard, cun cosas ki andant bene e cosas ki bolent amigioradas.

Sa GSC puru est una proposta.

Is Sardos ant a detzider sa ki bolent.

E forsis ant a essire áteras propostas: ita b’at de male?

E non si tratat ne-mancu de sceberare intro de persones, ma intro de sa politica linguistica ki custas persones representant.

E sigumente semus in campannia eletorale, presento puru sa kistione de “ponner” o “pónnere”.

Sa prima proposta est de Corraine, fata in sa LSU.

Deo dd’agato giusta, pro motivos ki apo già spiegadu.

Sa segunda est in sa LSC, ca dd’at kerfida Paulis–nimigu de sa LSC–ma est in sa LSC.

Cristianu Betzu (http://salimbasarda.net/politica-linguistica/unanalisi-tecnica-de-sa-gsc/) at scrocorigadu sa proposta mia de scrier “ponner”–e non ddi torro sceda, ca deo de estetica non nd’isco–e Corraine at aprovadu in Facebook: “Craru e tundu”.

Duncas Corraine at aprovadu sa scrocorigadura de sa proposta sua sceti proita ca cussa proposta dd’apo fata deo puru.

Tando est craru ki non ddi faet nudda su ki unu narat, ma ki sa cosa ki contat est a kie ddu narat.

Omineddos de pagu.

One Comment to “Pistende abba: s’urtima polemica”

  1. Mhhh… non mi piace questo giochino Roberto. Corraine non è da solo… far passare Diego come il peccatore della situazione, mi sembra un altra delle tue guerre private. Ma … tra qualche giorno sapremo qualcosina in più. ♥

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: