Ma si sa LSC est su massimu ki faet a tenner, proita timent aici meda a dda ponner in discussione e a provare áteras cosas?

493

Deo, comente schieis, fia in sa Cummissione ki at aprovadu sa proposta sperimentale e provisoria de sa LSC.

E tando bosi potzo assegurare de una cosa: columbas o ateros pugiones divinos in cussa sala de s’hotel Caesar non bi nd’at caladu.

Deo Spiritu Santu non nd’apo intesu e non apo bidu ne-mancu pampas pesende-si dae sa conca de is áteros ki bi fint.

Sa cosa est andada de aici: Renato Soru s’est arrosciu de nosi intender bacalliende e nosi at manovradu a sa proposta ki a issu ddi andát megius.

A narrer sa beridade, forsis a issu su Spiritu Santu calincuna cosa già bi dd’at fata, ca in un’ora s’est furriadu a linguista issu puru.

Ma bidende a is áteros, prenos de dudas ke a me e totu, potzo narrer ki bisitas dae su chelu non dd’amus tentu.

Sa LSC est stada una solutzione de compromissu, fata dae omines ki, pro sa prus parte, nde cumprendíant pagu de su ki fiant fende.

Deo apo firmadu, proita ca sinono cussu ammisturu incoerente ki nd’est essidu–unu frastimu logicu e fonologicu–non fiat passadu mai e tando s’idea e totu de standard si nche fiat morta in s’hotel Caesar.

Totus–foras de Corraine, ki nch’est arrutu in su cardaxu de su Spiritu Santu a pitzokeddu–sciemus ki cussa proposta fiat un esperimentu: “Dette norme linguistiche di riferimento hanno carattere sperimentale ma consentono ugualmente di avviare un processo graduale mirante all’elaborazione di una Limba Sarda Comuna.”  http://www.sardegnacultura.it/j/v/258?s=21392&v=2&c=2730&t=7

Tando, biende ki is cosas fiant e sunt ancora de aici e nemos at furriadu ancora sa LSC a standard ufitziale de su sardu, non si cumprendent is reatziones, namus, pensamentosas, de is Tistimongios de Corraine a sa proposta de su Comitadu Bilinguismu Democraticu de sperimentare un’annu puru áteras propostas de norma ortografica.

Non si cumprendet proita Pepe Corongiu tengiat bisongiu de contare faulas, nende ki foras de sa LSC, non esistint áteras propostas.

O forsis Corongiu puru nch’est arrutu in su cardaxu de su Spiritu Santu e at bidu sa matessi luxe ki guiat su caminu de Diegu Corraine dae totu custo annos?

Misterios de sa fide.

 

One Comment to “Ma si sa LSC est su massimu ki faet a tenner, proita timent aici meda a dda ponner in discussione e a provare áteras cosas?”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: