Sa limba de sa paxe

383

Su “sardu” pro totus is Sardos est su dialetu de bidda issoro.

Kie negat custu est macu o faulantzu.

De innoxe tocat a partire.

Tando de standardizare sa pronuntzia non si nde faeddat propriu.
E non si faeddat ne-mancu de standardizare su lessicu: sceti un macu podet pretender de narrer a is áteros cale est su faeddu giustu, intro de unas cantas possibbilidades.
Sa grammatica e su lessicu sunt, in donni manera, unitarios a su 90%, duncas de standardizatzione non bi nd’at bisongiu.
Si tratat sceti de arribbare a una manera unitaria de scrier su sardu ki permitat, in manera crara e simple, de lomper a medas pronuntzias diferentes.
E partende dae sa LSC ORIGINARIA!
Cussa aprovada dae sa cummissione, non cussa ki at fatu creer Corraine: sa LSU.
A su ki potzu bier in Facebook, sa gente ki at cumpresu ki sa LSC bolet emendada est semper de prus.
Tando, si custa gente bolet sa paxe, depet spingher pro arribbare a emendare sa LSC in manera de scuntentare a totus cantu prus pagu faet.
Duos faeddos a pitzos de su cuntzetu de “paxe”.
Sa paxe si faet cun is nimigos, non cun is amigos.
Cun is amigos semus già in paxe.
Tando is ki bolent sarvare sa LSC si depent ponner de acordiu cun is ki non dda bolent e ddos depent cumbincher.
Fintzas a immoe, Corraine e Corongiu ant chircadu de imponner sa LSU a marolla a totus.
Amus bidu totus a ita nosi at portadu custu makimine.
Corraine b’at tentadu duas bortas cun sa LSU e duas bortas at faddidu.
E sigumente non est bonu a pensare in manera diferente, bolet bogadu de mesu.
Deo penso dae semper ki sa LSC ORIGINARIA–bariedade de mesanía de su sardu–siat una base bona pro arribbare a una GRAFIA UNITARIA.
Is ki nant ca deo apo cambiadu idea sunt faulantzos, comente amus bidu, faulantzos compulsivos.
E cales sunt is nimigos cun is cales tocat a faer sa paxe?
Sunt is ki chircant de faer passare sa LSU pro LSC e de dd’imponner a totus.
E sunt is ki bolent partzire su sardu a marolla in duas “limbas”.
Pro conkistare sa majoría de is Sardos a s’idea de una grafía standard, tocat a tenner contu de is nimigos de sa LSC: de una parte e de s’átera.
Ma tocat puru a tenner contu de su fatu ki sa parte prus manna de is Sardos bivit in cabu de jossu.
E si issos non bolent, paxe non si nde faet.
Tando, a kie bolet s’unidade de su sardu dda depet acabbare de ponner mente a cussos macos ki in custos oto annos ant chircadu de faer ingurter a marolla sa LSU a sa majoría de is Sardos.
Tocat a sceberare.
A marolla.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: