E ocannu, sa Sardinnia at esser sa prima o sa segunda?

042-2

Oe incumentzant is esames in is scolas superiores.

Sa scola italiana at a giudicare cantos de is pitzocos e pitzocas sardos sunt prontos a intrare in su mercadu de su trabballu o a a siguire a imparare pro esser sa classe dirigente de su benidore.

Medas de custus pitzocos e pitzocas s’ant già lassadu sa scola avatu.

Is ki arribbant a s’esame de stadu sunt già fortunados.

Sa scola italiana ddos at già cundennados a abarrare foras dae su mundu dae su trabballu e foras dae is logos inue si detzidit su benidore issoro.

Sa Sardinnia est semper sa prima–o pagu bi mancat–in Europa pro su tantu de giovanos ki lassant sa scola kentza de diploma.

Ocannu non at esser cosa diferente.

Semus abetende ki Pigliaru fatzat su ki at promitidu pro sa “dispersione scolastica”.

A su mancu cussu.

E semus abetende ki fatzat  puru su ki serbit pro nde bogare is giovanos sardos dae s’alienatzione linguistica e curturale, ki est sa resone bera de sa dispersione scolastica.

Áteru ki  is scolas betzas!

Ma custu guvernu regionale non at a faer nudda.

E su movimentu linguisticu–ki non est cussu representadu dae Limba Sarda 2.0, o non est sceti cussu–non at a faer nudda.

Semus debbiles e partzidos.

E sa curpa non est de kie at pesadu avolotu in custos meses, ca Corraine e Corongiu ant tentu 7 annos de paxe pro trabballare pro s’unidade, ma ant trabballadu pro sa partzidura de is Sardos in bonos e malos.

Semus postos male e custu guvernu regionale nosi representat in manera giusta e dinna.

Sa kistione de sa lingua non interessat a sa prus parte de is Sardos.

In custos annos nudda–o tropu pagu–s’est  fatu pro acostare sa gente a sa limba.

Custu est su ki contat.

Totu s’atru funt tzarras.

Tzarras e cosas fatas pro interessios personales.

Oe incumentzant is esames pro is pitzocos sardos e  pro noso puru.

Non semus bonos a pensare unu benidore pro su populu nostru.

E sa scola italiana non faet átera cosa foras de cunfirmare su fatu ki non semus bonos a nosi guvernare.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: