Archive for September 10th, 2014

September 10, 2014

Ita si sutzedíat pro sa lingua?

Pigliaru arisero at faeddadu de omine e at faeddadu de sardu.

http://www.vitobiolchini.it/2014/09/09/servitu-militari-pigliaru-va-alla-guerra-ma-con-quali-armi-il-testo-integrale-del-suo-intervento-in-consiglio-regionale/

E sa kistione non est si su ki at nadu at a sutzeder o no.

Cussa est un’átera kistione e non cambiat nudda a su ki Pigliaru at fatu arisero.

Su ki Pigliaru at fatu arisero at a lassare su sinnu, mancari in sa pedde sua e totu, si non aguantat su faeddu.

E sa beridade–sa beridade mia–est ca Pigliaru dd’at fatu sceti ca dd’amus custrintu a ddu faer.

Gente meda at murrungiadu e protestadu custas chidas pro sa kistione de is tzerakias militares.

Gente meda.

Pro is tzerakias linguisticas semus semper cussos cuator macos murrungende.

Cussas cuator tzerakeddas ki bantant su trabballu fatu dae is sorres Corraine, si iant deper domandare proita su ki est sutzedidu arisero–ma prus ke a totu su ki est sutzedidu custas chidas–non est mai sutzedidu pro sa lingua.

Epuru is sorres Corraine ant tentu 8 annos pro trabballare e 7 pro trabballare kentza de ddos storbare.

Epuru is tzerakias linguisticas funt una cosa ki forsis a is sardos ddis faet prus dannu de is tzerakias militares.

Bastat a pensare a su dannu ki faet sa “dispersione scolastica”.

Su Babbu Mannu de sa limba e sa tzerakedda sua non sunt stados bonos a ponner impari prus de 200 persones.

A su ki narant issos.

E funt propriu cussas 200 persones ki schint megius de totus proita.

Proita est ki sceti Limbasarda 2.0 faeddat de bosáteros?

Deo non conto, ca deo seo unu traitore e mi nde banto.

Proita est sa su movimentu de sa lingua non contat una chibudda e abarrat inserradu in su giru de is persones ki, a una manera o a s’átera, bivent de LSC?

Calincunu at sballiadu medas cosas.

Opuru–e custu mi paret prus fatzile a creer–funt is ki ddos siguint ki ant sballiadu.

Pitziat su culu a ammiter de aer sballiadu, annó?

Advertisements