E immoi, po prexeri, umilidadi!

trident

Tocat a torrai gratzias a totu cussas personis chi fiant in Portu Opinu su tres de custu mesi.

Tocat a torrai gratzias a custus pagus chi funt andaus a difendi su deretu de is sardus a essi meris in domu issoru.

Tocat a torrai gratzias a cussus giovunus atzudus chi ddus ant arropaus ca fiant difendendi is deretus de totus.

E a cussas feminas atzudas chi si funt postas in mesu po non lassai arropai a is piciocus.

E a cussus becius atzudus chi fiant ingunis mancai siant becius.

Ma tocat a nai puru ca cussa dii non est stetia una dii de si nd’arregordai che una vitoria.

Settixentu personis funt pagus.

E cussa est sa fortza chi arrenesceus a poni in campu.

Est pagu.

Seus pagus.

Custas diis mi seu citíu, ca bolemu cumprendi comenti funt andadas is cosas.

E apu ligiu medas cummentus, naraus, trionfalistas.

Pagu de trionfai, ddoi est.

Po una pariga de mesis apu pensau chi su movimentu contras a s’ocupatzioni militari fessit prus forti meda de cussu po sa lingua, ma non est de aici.

Seus postus mali totus e in donnia manera.

Apu ligiu puru chi, finalmenti, sa genti in Portu Opinu, mancai pagu, fiat unía.

Cussa est s’unica cosa bona de aderus, insaras.

Cussa conchista tocat a si dd’atuai a coddu e a si dda pigai infatu.

E de cussu tocat a torrai a partiri.

Umilidadi nci bolit.

Umilidadi meda.

Po sa lingua e po ndi bogai a is carnitzeris de sa terra nostra.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: