Cosa de non crei! Seu de acordiu cun Kelledda!

Cagliari_-_Statua_Carlo_Felice

“Per quanto mi riguarda, il nome di Carlo Felice, del boia che era, è degno di questa strada. Non vorrei mai che per cercargliene uno nuovo venisse scomodato un personaggio come Mariano IV d’Arborea (una delle proposte dell’assessore regionale)”. http://www.unionesarda.it/articolo/cronaca/2015/11/28/un_nome_nuovo_per_la_carlo_felice_meglio_che_resti_al_re_boia-68-448132.html

Custus fueddus de Michela Murgia m’agatant de acordiu.

Spantu, no?

Unu nomini malu po una strada mala est cosa giusta sceti.

Immoi Maninchedda s’est torrau a sonai, ca est arrenesciu–totu issu at fatu–a fai acabbai un’arrogheddu de cussu casinu chi s’ANAS iat inghitzau 8 annus a oi.

Beni, certu.

Antzis, mellus de nudda.

Siguru!

Ma prus de cussu non si podit nai.

Ma sa cosa prus interessanti non est custa.

Sa cosa de importu est ca, a su chi parit, sa prus parti de is sardus non bolit a cambiai cussu nomini.

E custu non est unu spantu.

Sa cuscientzia de unu populu non crescit in is matas de pirastru.

Natzioni si diventat.

Ma custu Maninchedda non est bonu a ddu cumprendi.

Non ddoi arribbat propriu.

Mai fatu nudda po sa lingua.

Antzis at trabballau contras a s’aunimentu ponendi-si a sa parti de s’universidadi de Sassari contras a sa LSC.

Mai fatu nudda po sa cultura sarda.

Mai proponniu nudda de su chi serbit a strantaxai unu cuscientzias natzionali.

Immoi, “imbriagu de passioni”–comenti narát cudd’amighu miu–poita, ca est arrenesciu a fai acabbai un’arrogheddu de cussu stradoni, si creit ca bastit cussu a si fai sighiri de totu is sardus.

Maninchedda est unu campioni de su”benaltrismo”.

Stradonis, “piste ciclabili”, canalis e canoas.

Si pensat de aderus ca sa natzioni crescit in is matas de pira camusina?

Eja, cussa chi innestant is cantoneris de s’ANAS in s’oru de su stradoni.

A fai una natzioni, unu populu cuscienti, arrichedit trabballu e dinai.

Trabballu meda e dinai meda po pagai cussu trabballu.

E immoi issu s’est pigau un’atra sbruncada, ma non dd’at a serbiri a nudda su propriu.

Candu non bolit cumprendi, de totu cuss’abbistumini chi tenit non si ndi fait nudda.

Nudda.

Nudda.

Lastima de s’abbistumini fuliau.

 

 

One Comment to “Cosa de non crei! Seu de acordiu cun Kelledda!”

  1. Non so de acordu, pro custa cosa.
    A li lassare su nùmene de unu “òmine” comente a cussu a un’istrada de cussa importàntzia est a li dare rispetu, a issu, fintzas si est un’istrada de merda. Sos nùmenes de sos Savoia diant èssere bogados dae totu sas biddas de Sardigna, dae su primu a s’ùrtimu. Est una cosa chi diat depet èssere giai fata dae meda, a nàrrere sa beridade.
    Pro sa gente, non so gai seguru chi sa majoria la pesset a beru gasi, tantu oe medas la mutint petzi “la 131”.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: