Su sardu immoi est in manu de is sardus

aru

Sa noa , de sei, est una de is mellus chi eus mai intendiu a pitzus de su sardu: is italianus si ndi bogant de mesu e lassant fai a nosu (http://www.ansa.it/sardegna/notizie/2015/12/04/lingua-sarda-da-cdm-ok-a-norme-tutela_9baf4e37-aaa4-4bee-8478-16baf6f68b8f.html)

Insaras, immoi seus libberus de detzidi su chi ndi boleus fai de sa lingua nostra.

Sa chistioni immoi dda detzidit su 100% de is eletoris sardus, a su postu de is eletoris italianus ( e is sardus funt sceti su 2,7% de is eletoris italianus).

Ma ita at a sutzedi?

Boh?

Pigliaru non narat nudda: “Accogliamo con soddisfazione l’approvazione, da parte del Governo, delle norme di attuazione del nostro Statuto speciale in materia di promozione e valorizzazione della lingua e della cultura sarda e catalana. Era un passaggio che la Sardegna attendeva da tempo e che ci consentirà finalmente di attuare quell’importante aspetto della nostra specialità che è l’autonomia linguistica. Potremo finalmente dare nuovo impulso ai vari strumenti di promozione e valorizzazione delle nostre lingue identitari. ” (http://www.sardegnadies.it/il-governo-dice-si-al-sardo/)

A Pigliaru de su sardu non nde dd’importat nudda.

Non scit ita nai e non narat nudda.

De s’assessora a su nudda ancora non eus intendiu nudda.

Eus a biri ita faint.

Nudda est sa cosa prus facili a crei.

E sigumenti de su sardu–comenti de is tzeracuminis militaris–non nde ddis importat nudda giai-giai a nisciunus, sinuncas mai is sardus iant postu un’italianu, chi ni-mancu dd’at bofiu imparai su sardu, a si setzi in cussa carida, nci podeus contai ca non at a sutzedi nudda.

Labai ita narat Pigliaru: «Il trasferimento delle competenze dallo Stato alla Regione ci consentirà un ruolo diretto nella distribuzione delle risorse dedicate in funzione degli obiettivi, indirizzi e priorità stabiliti dagli atti di programmazione regionale in materia».

Bolit nai ca immoi tocat a is sardus a pagai totu po sa lingua.

Is italianus non pagánt giai-giai nudda e Pigliaru non at a pagai ni-mancu cussu.

Scumiteus?

Seu deu de intrannias malas , ca non mi fidu?

Sa giunta de cust’omini non tenit peruna politca linguistica o culturali.

Mancai si pongant–tanti po non nci perdi sa faci–non scint ni-mancu de aundi iant a depi incumentzai.

Non si ndi funt mai interessaus.

E Firinu est s’assessora a su nudda.

Si mi seu faddendi apu a pagai a bufai.

3 Comments to “Su sardu immoi est in manu de is sardus”

  1. As a serbai dinai meda.😉

  2. Tue ses ottimista meda. Sa politica linguistica de custa giunta no est a non fagher nudda, est a distruere su pagu chi aiant fattu sos ateros. Custos sunt inimigos de sa limba e cultura sarda, non sunt indifferentes. Sunt attivos, ant bloccadu totu da prus de un annu.

  3. Itte bellu campione ki ses! Ja d’aggradat a fakere iscumissas zustas pro las binkere! Poco abbisto jassei! E poi, itte dialu! Itte ses bettande a campu! Paraulas de imbolare as? ” E Firinu est s’assessora a su nudda. ” Jeo naro ki podiat andare ene peri goi: ” E Firinu … ……….. . su nudda!” Gai lu cumprendimus mezus! Peroe, a la narrer crara crara, tottu sos atteros de “sa squadrikedda posta male”, mi parent nudda nudda, pro tottu su ki fakent pro amore ‘e sa Sardinna! mikkelj

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: